Yokana 5:26 - Baibuli I Leb Kumam 2013

²⁶ Pien bala kite kame Papa kikome en kame kuo wok kibute, kamanono da etieko mino Wod bedo ngat kame kuo wok kibute.

Yokana 5:26 Iomraidhean Croise

Sabuli 36:9

Pien kuo wok kibuti; lero kame wok kibuti en kame mio wan lero.

Sabuli 90:2

Di pwodi likame kocweo mori, arabo di pwodi likame in icweo lobo kede piny, cako sek kede sek kiton tuno ikar kede ikar, in en kame ibedo Rubanga.

Yai 3:14

Rubanga oko waco be, “ANGO EN ANGO. Aso, in oti iwace jo me Isirael be, ‘ANGO ATIE ocwaa butu.’

Yeremia 10:10

Do Rwot, in en ibedo Rubanga me ateni; in en Rubanga akuo, kede abaka kame pugo nakanaka. Ka in idoko ger, wi lobo lung yangere; atekerin likame sobolo kanyakino lilo nin.

Yokana 1:4

Kuo oudo tie i en, doko kuo nono en kame oudo obedo lero me jo.

Yokana 10:18

Likame tie ngat kame bino kwanyo kuo nango, do ango abino mino kuo na i mit na. Ango atie kede twer me yei rwenyo kuo na kede me ude; Papa na en kame omia cik noni.”

Yokana 11:25

Do Yesu oko waco ne be, “Ango en iyarun kede kuo, ngat kame yei ango bino kuo akadi di eto;

Yokana 11:26

doko ngatamoroni kame nan kuo di eyei ango, likame ebino to. Benyo, iyei kop noni?”

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 4:10

Yesu oko dwoko ne be, “Koto oudo ingeo giamia ka Rubanga kede ngat kame tie waco ni be, ‘Mia pi amati,’ oudo koto ipenye di en eko mini pii me kuo.”

Yokana 6:57

Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Yokana 8:51

Ateteni, ateteni awaco ne wu be, ngat kame yei kop na likame ebino bilo to atwal.”

Tice 17:25

Doko likame emito giamia kame cing dano mie, ineno bala en oudo emito gimoro; piento en nono kame emio jo dedede kuo, kede wei, kede gi dedede.

1 Jokorinti 15:45

En komio kowandiko be, “Adamu, dano me agege, odoko gikame kuo”; do Adamu me ajikini oko doko Tipo kame mio kuo.

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

1 Temeseo 6:16

En kene kalikame eto, doko ebedo i lero kalikame ngatamoro twero noko. Likame tie ngatamoro kotieko nene arabo kame twero nene. Wor kede twer kame bedo nakanaka bed bute. Amen.

Iburanian 1:2

Do i kare kanataman me ajikini, en eko yamo kede wa kibut Wode, ngat kame en eyero pi jame dedede doko mege, doko en nono da kame bin Rubanga ocweo gi dedede di beo kibute.

Gianyuta 21:6

Di en eko waco na be, “Kotieko timo gi! Ango en Alpa kede Omega, agege kede ajikini. Ngat kame orio oneko abino mine emato pi me atan me kuo abongo cul moro.

Gianyuta 22:1

Di malaika nono oko nyuto na ecilet me pi me kuo, kame milimili bala akako, di etie mol wok ki kom me Ajakanut ka Rubanga, kede ki me Katin Romo,

Gianyuta 22:17

Tipo kede Ateran waco be, “Bia.” Jo dedede kame winyo kop noni miero wac be, “Bia.” Ngat kame orio oneko, ebin; wek ngat kame cunye mito, egam pii me kuo abongo cul.

Gianyuta 7:17

Pien Katin Romo kame tie i nyim kom me ajakanut bino bedo ngakwat gi, en ebino telo gi etero gi i atan me pii me kuo di Rubanga ko bino weno pige wang gi dedede.”