Yokana 5:24 - Baibuli I Leb Kumam 2013

²⁴ “Ateteni, ateteni awaco ne wu be, ngat kame winyo kop na di eko yei ngat kame oora, etie kede kuo kame bedo nakanaka; likame kobino ngolo ne kop, do etieko yai ki to etuno i kuo

Yokana 5:24 Iomraidhean Croise

Matayo 25:46

Di do gin kiko bino ot i alola me nakanaka, do jo kopoore ko bino ot i kuo kame bedo nakanaka.”

Marako 16:16

Ngat kame yei di oko batiso en, ebino udo alako, do ngat kalikame yei kobino ngolo kop loe.

Yokana 11:26

doko ngatamoroni kame nan kuo di eyei ango, likame ebino to. Benyo, iyei kop noni?”

Yokana 12:44

Yesu oko yamo kede dwan amalo di ewaco be, “Ngat kame yei ango, udo likame eyei ango do udo eyei ngat kame oora.

Yokana 20:31

Do kowandiko magi tetekeny iyeunu be Yesu en Kirisito, Wot ka Rubanga, kede da be wek iudunu kuo i nyinge pi yei kame itienu kede i kome.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Yokana 3:18

“Ngat kame yei en likame kobino ngolo kop loe; do ngat kalikame yei en kotieko ngolo kop oloe cuto, pien likame eyei nying Wot ka Rubanga acel kenekene.

Yokana 3:36

Ngat kame yei Wod tie kede kuo kame bedo nakanaka; ngat kalikame yei Wod likame ebino udo kuo, do lilo ka Rubanga bino poto i kome.”

Yokana 4:36

Ngat kame kao udo egelit, doko ecoko anyakini pi kuo kame bedo nakanaka, tetekeny ngacuc kede ngakac bed kede kilel karacel.

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

Yokana 6:47

Ateteni, ateteni awaco ne wu be, ngat kame yei tie kede kuo kame bedo nakanaka.

Yokana 6:50

Man en mugati kowok ki malo, tetekeny dano came di likame eko to.

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Yokana 6:58

Man en mugati kame bin owok piny ki malo, likame bala maca kame bin joakwari ocamo di kiko to; ngat kame camo mugati noni bino kuo ikar kede ikar.”

Yokana 8:51

Ateteni, ateteni awaco ne wu be, ngat kame yei kop na likame ebino bilo to atwal.”

Joroma 8:1

Pi mano, nan do likame kobino ngolo kop i wi jo kame tie i Kirisito Yesu.

1 Jotesalonika 5:9

Do likame Rubanga oiko be lilo mere poti i kom wan, do eiko pi wan udo alako pi Rwot wa Yesu Kirisito,

1 Petero 1:21

En emio wu idokunu jo kame geno Rubanga, ngat koyaruno en kikom jo oto, di oko mine deyo tetekeny wun ibedunu kede yei kede gen i kom Rubanga.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Yokana 3:14

Wan ongeunu be wan otiekunu yai ki to di okounu dokaro i kuo, pien wan omarerenu wan kenwa kenwa. Ngat kalikame tie kede amara udo etie i twer me to.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.