Yokana 5:23 - Baibuli I Leb Kumam 2013

²³ tetekeny jo dedede bed kede wor but Wod bala kite kame kibedo kede wor but Papa. Ngat kalikame tie kede wor but Wod, udo likame etie kede wor but Papa ngat kocwao Wod.

Yokana 5:23 Iomraidhean Croise

Sabuli 2:12

lurunu i nyime kede mielkom; aso ka li, ebino doko ger di ikounu to susunyo, pien udo lilo obunyo make. Kitie kede winyo jo dedede kame ringo ot gwokere bute.

Isaya 42:8

Ango nyinga obedo Rwot; likame anywako deyo na kede rubanga moro, akadi pak kame komia likame anywako kede caljwogi.

Isaya 44:6

Rwot, Abaka me Isirael, Ngalak mere, Rwot me jo yi, waco be, “Ango abedo me agege kede me ajikini; likame tie rubanga moro ace kwanyo ango kena.

Isaya 45:15

Ateteni in en Rubanga kame pwono, Okwe Rubanga me jo me Isirael, Ngalak.

Isaya 45:21

Bia iketunu pido wu i nyim ekiko; mito kong jo kame gango pido nono por kop gi me pido! Ngai kowaco kop noni riki sek? Ngai kotuco riki sek be gi noni bino timere? Benyo, likame ango Rwot en kame riki atuco? Likame tie rubanga moro ace kwanyo ango kenekene, Rubanga kame timo gi kopoore, kede kame lako jo.

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Matayo 10:37

“Ngat kame maro toto mere arabo papa mere kalamo ango, udo likame epoore pi bedo mera. Doko ngat kame maro wode arabo nyare kalamo ango, udo likame epoore bedo mera.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 12:21

di jo kalikame Iyudayan ko bino keto gen gi i kome.”

Matayo 15:8

“‘Jogi wora kede dog gi, do cuny gi bor kibuta.

Matayo 28:19

Pi mano, otunu ilokunu jo me atekerin dedede dok jo kame luba, batisonu gi i nying Papa kede Wod kede Tipo Kacil,

Luka 10:16

Yesu oko waco ne joor mege be, “Ngat kame yei winyo kop wu, udo ewinyo kop nango, doko ngat kame dagi wu, udo edagi ango, kede ngat kame dagi ango, udo en edagi ngat kame oora.”

Yokana 14:1

Yesu oko waco ne josiao mege be, “Cunyu kur poti, yeunu Rubanga, di ikounu yei ango da.

Yokana 16:14

En ebino mina deyo, pien ebino kwanyo kop na di eko waco ne wu.

Yokana 17:10

Jo nango dedede obedo megin, doko jo nin dedede obedo mega; ango audo deyo pirgin.

Joroma 1:7

Butun jo dedede kame Rubanga maro, wun jo kame itienu Roma, jo kame kolwongo pi bedo jokacil, wek Rubanga Papa kede Rwot wa Yesu Kirisito mi wu kisa kede mulem.

Joroma 15:12

Isaya bobo oko meede kede yamo be, “Akwar Yese oyaro bino, en eyaro bino pi pugo jo kalikame Iyudayan; jo kalikame Iyudayan bino bedo kede gen i kome.”

Joroma 6:22

Do bala kame nan kotieko gonyo wu kede ki dub di ikounu doko ipasoi ka Rubanga, gikame ibinunu udo en bedo jo kolonyere, kede adwokini mere en kuo kame bedo nakanaka.

Joroma 8:9

Do wun likame ibedunu i kite me kuo me kom, do ibedunu bala kame Tipo mito, pien Tipo ka Rubanga bedo i komu. Ngat kame li kede Tipo ka Kirisito, udo likame en me ka Kirisito.

1 Jokorinti 1:3

Kisa kede mulem kame yai kibut Rubanga Papa wa kede Rwot wa Yesu Kirisito bed kede wu.

1 Jokorinti 10:31

Aso, gi dedede kame itimo, akadi icami arabo imati, tim gin dedede pi mino Rubanga deyo.

1 Jokorinti 16:22

Ka ngatamoro likame maro Rwot, wek ilam make. Rwot wa, bia!

1 Jokorinti 6:19

Mam ingeunu be komu obedo tempulo me Tipo Kacil kame tie i komu, Tipo kame Rubanga omio wu? Wun likame megu kenu.

2 Jokorinti 1:9

Ateteni wan do oudo owinyo i kuo wa bala kotieko ngolo ne wa kop me to; do manoni otimere tetekeny wan kur oket gen wa i kom wa kenwa, do me wek ogen Rubanga ngat kame yaruno jo oto.

2 Jokorinti 13:14

Kisa ka Rwot Yesu Kirisito, amara ka Rubanga kede nywak me Tipo Kacil bed kede wu dedede.

2 Jokorinti 5:14

Amara ka Kirisito but wa telo wa, pien wan otieko niang kiber be dano acel bin oto pi jo dedede; pi mano, jo dedede otieko to.

2 Jokorinti 5:19

Dwong mere be, i Kirisito, Rubanga oudo tie dwoko nywak mere kede jo dedede me piny di likame emaro dub gi i wi gi, kede di emio wa kop kame nyuto epone kame jo romo dok bobo i nywak kede en.

Joepeso 6:24

Kisa ka Rubanga bed but jo dedede kame amara gi i kom Rwot wa Yesu Kirisito likame jik.

2 Temeseo 1:12

doko kop noni en komio ango atie neno can kaman. Do ango lewic likame maka, pien ango angeo ngat kame atieko keto gen na i kome, doko ango angeo kiber be en ekaruno gwoko gikame etieko gena kede paka tuno i Ceng nono.

Iburanian 1:6

Doko da, kakame ecwao kede Wode kao i piny, en ewaco be, “Poore imalaikan ka Rubanga dedede wore.”

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

2 Petero 3:18

Do meedenu dongo i kisa kede i ngec ka Rwot, ngat kame obedo Ngalak wa Yesu Kirisito. Deyo bed bute nan kede ikar kede ikar. Amen.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

2 Yokana 1:9

Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.