Yokana 5:19 - Baibuli I Leb Kumam 2013

¹⁹ Yesu oko waco ne gi be, “Ateteni, ateteni ango awaco ne wu be, Wod likame timo gimoro kede mit mere kene, do etimo gikame eneno di Papa mere timo kenekene; pien gikame Papa timo dedede, etimo tetekeny Wode da tim kamanono.

Yokana 5:19 Iomraidhean Croise

Ageini 1:1

I agege kakame Rubanga ocweo kede malo kede lobo,

Ageini 1:26

Di Rubanga oko waco be, “Otimunu dano i cal wa; doko miero gin kibed kede loc i kom deknam, kede i kom winy me wi yamo, kede i kom doke, kede i kom leini me obar dedede kame tie i wi lobo, kede jame me egere dedede kame liao alia i piny.”

Sabuli 138:3

I ceng kame ango alwongere kede, in iko gamo doga, di iko medo na teko.

Sabuli 27:14

Bed kede gen i kom Rwot, bed tek, wek cunyi bed nwang, bed kede gen i kom Rwot.

Sabuli 50:6

Malo tuco kakaler be Rubanga opoore, piento Rubanga kikome obedo ngangolkop.

Yai 4:11

Di Rwot oko penyo Musa be, “Ngai kame mio dano twero yamo? Ngai kame mio yite ding amoto lebe to? Ngai kame mie eneno piny amoto kamie ebedo emuduk? Mam ango Rwot inonono?

Agole 2:6

Pien Rwot en kame mio rieko; kope me doge kelo ngec kede niang.

Isaya 44:24

“Ango en Rwot, ngalak ni; ngat kocwei i yi toto ni. Ango en Rwot ngat kocweo jamini dedede, ayararo malo ango kena; i kare kame ango acweo kede piny, likame tie ngat kokonya.

Isaya 45:24

“Gin kibino waco be, kuo kopoore kede teko tie but ango Rwot; jo dedede kame cuny gi wang i koma bino bino buta kede lewic.

Yeremia 17:10

Ango Rwot angingico tam me dano, doko atamo cuny dano; ako mino ngat acelacel gikame poore ne di lubere kede ekite me kuo mere, kede di lubere kede gikame etimo.”

Matayo 26:39

En eko nyiko anyim anonok eko riebere piny, di eko lego be, “Papa na, ka koto twerere, wek ikopo me can noni bei tenge kibuta, do likame bala kite kame ango amito kede, do bala kame in imito.”

Luka 21:15

pien ango abino mino wu kope me ayama, kede rieko da kalikame tie ngakwor wu moro kame bino twero kanyakino arabo piem kede.

Yokana 10:18

Likame tie ngat kame bino kwanyo kuo nango, do ango abino mino kuo na i mit na. Ango atie kede twer me yei rwenyo kuo na kede me ude; Papa na en kame omia cik noni.”

Yokana 12:49

Pien likame ango ayamo man kede wia kena, do Papa ngat kame oora en kociko na, di emia gikame poore atatamo kede gikame poore awaci.

Yokana 12:50

Doko ango angeo be cik mere mio jo udo kuo kame bedo nakanaka. Pi mano, ango awaco gikame Papa ocika be ayami.”

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 2:19

Yesu oko dwoko ne gi be, “Retunu tempulo ni, di ango ako bino gere pi ceng adek kenekene.”

Yokana 3:3

Yesu oko dwoko ne be, “Ateteni, ateteni ango awaco ni be, likame tie ngat kame twero neno Ajakanut ka Rubanga, kwanyo ka konywale tien me are.”

Yokana 5:21

Pien bala kite kame Papa yaruno kede jo oto di eko mino gi kuo, kamanono da Wod mio kuo but jo kame cunye mito.

Yokana 6:38

Pien ango abino ki malo, likame pi timo gikame ango amito, do pi timo gikame ngat kame oora mito.

Yokana 8:28

Di do Yesu oko waco ne gi be, “Ka itiekunu kiarao Wot ka dano i kom musalaba, ibinunu ngeno be ango inononi, kede be likame ango atimo gimoro i akarunikin nango kena, do ayamo gikame Papa opwonya iye.

Yokana 9:4

Wan miero otimunu tice me ngat oora di pwodi ceng tie, iwor bino tuno di ngatamoro likame ko twero tic.

Tice 2:24

Do Rubanga bin oko gonye kikom kwir me to, di oko yaruno en, pien to oudo likame twero twene.

Joroma 6:4

Pi mano, di bin kobatiso wa, koyiko wa karacel kede Kirisito i to, tetekeny bala kame Papa oyaruno en kede kikom jo oto pi twer me deyo mere, wek wada obedunu kede kuo anyen.

Joroma 8:11

Ka Tipo me ngat koyaruno Yesu kikom jo oto bedo i kuo wu, ngat nono koyaruno Kirisito Yesu kikom jo oto bino mino komu da kame to kuo, pi Tipo mere kame tie i kuo wu.

1 Jokorinti 15:12

Aso, ka kotatamo be koyaruno Kirisito kikom jo oto, benyo benyo kame doko mogo kikom wu waco kede be iyarun me jo oto bino bedo li?

2 Jokorinti 4:14

Pien wan ongeo be, ngat koyaruno Rwot Yesu bino yaruno wada karacel kede Yesu, di eko bino tero wan karacel kede wu i nyime.

2 Jokorinti 5:10

Pien wan dedede miero ocungunu i nyim kom ka Kirisito me ngolo kop, tetekeny ngat acelacel ud bero arabo raco, di lubere kede gikame etimo i kuo me kom.

Joepeso 2:5

omio bed bala wan oudo bin otounu pien oudo oturunu iswil mere, en eko mino wa obedunu kuo karacel kede Kirisito. Wun kolako wu pi kisa ka Rubanga.

Joepeso 3:16

Ango akwao be, di lubere kede abar me deyo mere, wek Rubanga i Tipo mere emi wu twer kame mio wu idokunu tek i cunyu,

Jopilipi 3:21

En ebino loko kom wa agoro gi di ko doko cal bala mere me deyo, di etio kede twer kame mie ekaruno keto jame dedede i loc mere.

Jopilipi 4:13

Ango akaruno timo gi dedede i Kirisito ngat kame mia adoko tek.

Jokolosai 1:11

Wek emi wu idokunu tek kede twer dedede, di lubere kede twer me deyo mere, tetekeny itwerunu kanyakino gi dedede di idiunu cunyu kede kilel,

Jokolosai 1:16

Pien kocweo gi dedede i en, gikame tie i malo kede i wi lobo, gikame neeno kede kalikame neeno, kiton ajakanuto, amoto loc, tipere kame pugo, kede akarunikin, kocweo gi dedede di beo kibute, doko pire.

1 Jotesalonika 4:14

Pien bala kame wan oyei kede be Yesu oto di doko eko yaruno, kamanono da pi Yesu, Rubanga bino kelo karacel kede en jo kame onino.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.