Yokana 5:10 - Baibuli I Leb Kumam 2013

¹⁰ Iyudayan oko waco ne icuo kame kocango nono be, “Tin Ceng Sabato, Iswil wa likame yei ni yeno gibuto ni.”

Yokana 5:10 Iomraidhean Croise

Isaya 58:13

Rwot waco be, “Ka wun iterunu Sabato bala gikacil di likame imounu gikame ber piru kenu i ceng kacil nono; ka wun iterunu Sabato bala ceng me yomcuny, kede bala ceng kacil ka Rwot, ceng me awora kalikame poore lubo iye mit me cunyu kenu, arabo mono gikame mako wu kenu, arabo yamo atatai,

Yeremia 17:21

Wace gi be pi gwoko kuo gi, miero kigwokere kur ngatamoro yei mugugu i ceng Sabato; doko da likame kipoore yeno gimoro donyo kede ki irutei me Yerusalem.

Yeremia 17:27

Do ka gin likame kiyei lubo kop na, me gin gwoko ceng Sabato bedo di cil, kede me weko yeno mugugu moro beo kede ki irutei me Yerusalem i ceng Sabato, manono bino mino acwinyo mac i irutei me Yerusalem. Mac nono bino wango bomba kede apama atek kame kocele kede, doko likame kobino neke.”

Matayo 12:10

Kikano icuo kame bade omito oudo tie kuno. Jo mogo oko penye be, “Iswil wa yei cango dano Ceng Sabato?” Gin kipenye kamano tetekeny kiud kop moro kame kiromo pide iye.

Marako 2:24

Iparisayon mogo oko yamo ne Yesu be, “Neningo, pinyo komio josiao ni tie timo gikame Iswil dagi i Ceng Sabato?”

Marako 3:4

En eko penyo jo kame oudo tie kuno be, “Iswil wa yei ne wa timo bero Ceng Sabato arabo timo raco? Marao kuo me dano arabo neko aneka?” Do likame kiko dwoko kop moro.

Luka 13:14

Do ngadwong me sinagoga cunye oko wang, pien oudo Yesu ocango dano Ceng Sabato. En eko waco ne jo be, “Tie ceng kanyape kame jo poore timo kede tice; bianu i ceng nogo di oko cango wu, do weko bino Ceng Sabato.”

Luka 23:56

di do gin kiko dok, kiko iiko mo kede gikame ngwece gi kur. I Ceng Sabato, gin kiko wei bala kite kame cik oudo mito kede.

Luka 6:2

Iparisayon mogo oko penye be, “Pinyo komio wun itienu timo gikame Iswil dagi i Ceng Sabato?”

Yokana 1:19

Man en kop me ijura kame Yokana bin omio i kare kame Iyudayan ocwao kede josaseredoti kede Jolebi ki Yerusalem pi penye be, “In en ngai?”

Yokana 5:11

Do icuo nono oko dwoko ne gi be, “Icuo kame omia acango en kame owaco na be, ‘Kwany gibuto ni ioti.’ ”

Yokana 5:15

Icuo nono oko ot di eko waco ne Iyudayan be Yesu en kocange.

Yokana 5:16

Man en gikomio Iyudayan oko tidilo Yesu, piento oudo etimo gini i Ceng Sabato.

Yokana 7:23

Ka wun ikepunu dano Ceng Sabato be tetekeny kur iturunu Iswil ka Musa, pinyo komio idokunu ger keda, be pien ango amio kom dano lung ocango Ceng Sabato?

Yokana 9:16

Iparisayon mogo oko waco be, “Icuo ni likame owok kibut Rubanga, pien likame eworo Iswil me Sabato.” Do jo mogo oko waco be, “Ngat kame tie ngadubo karuno timo epone me gianena gi benyo benyo?” Tam gi oko popokun.