Yokana 4:6 - Baibuli I Leb Kumam 2013

⁶ Atan ka Yakobo oudo tie kunono. Aso, kite kame Yesu oudo ool kede ot, omio en eko bedo piny i nget atan nono. Oudo esawa do oyapuno romo kanyape me i ceng.

Yokana 4:6 Iomraidhean Croise

Matayo 27:45

Cako esawa kanyape me iceng, piny lung oko doko col paka tuno esawa kanyangon me otieno.

Matayo 4:2

Ingei Yesu kanyo kec pi ceng ot ongwon kede iwor da ot ongwon, kec oko neke.

Matayo 8:24

Kikano yamo atek oko ngoole i yi nam, omio ebuka oko donyo lepulepun i yi yee, do Yesu oudo onino.

Luka 2:7

En eko nywalo atin awobi kao mere, di en eko ume kede igoen me mukeru kiber, di eko piele i atuba me cam me dok, pien gin do oudo likame kisobolo udo kabedo i ot me wele.

Luka 9:58

Do Yesu oko waco ne be, “Ekwee tie kede bur me buto, winy me itela da tie kede ude gi, do Wot ka dano li kede kakame eromo pielo iye wie.”

Yokana 11:9

Yesu oko dwoko be, “Mam ceng acelacel tie kede isawan tomon kiwie are? Jo kame tie ot iceng likame buo tien gi, pien udo kineno lero me piny kan.

Yokana 4:12

Iparo be in idwong kalamo kwaru wan Yakobo, kame bin omio wan atan noni, doko di eda bin emato pii mere karacel kede awobe mege, kiton doke mege da?”

Yokana 4:5

En eko tuno i bomba me Samaria kame kolwongo be Saikar, kame iyapiyapi kede poto kame bin Yakobo omio wode Yosepu.

Yokana 4:7

Dako moro me Samaria oko bino pi twomo pii. Yesu oko waco ne be, “Mia pii amati.”

2 Jokorinti 8:9

Pien wun ingeunu kisa ka Rwot wa Yesu Kirisito; bed bala oudo en ebaro, do en eko doko ngacan piru, tetekeny pi can mere wun idokunu jo kobaro.

Iburanian 2:17

Pi mano, en miero oudo edok cal bala imiegu kede amiegu mege i yore dedede, tetekeny ebed Ngatel Josaseredoti, kame ngakisa kede kame genere i tic ka Rubanga, me wek ebed giayala kame kwanyo dub me jo.

Iburanian 4:15

Pien likame wan otienu kede Ngatel Josaseredoti kalikame kisa twero mako i kom wa pi goro wa, do en etie ngat kame kotamo i yote dedede bala wada, do di likame en eko dubo.