Yokana 4:41 - Baibuli I Leb Kumam 2013

⁴¹ Jo ace atot oko yei Yesu pi kope kame epwonyo.

Yokana 4:41 Iomraidhean Croise

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Luka 4:32

Jo oko uro pwony mere, piento en oudo eyamo kede akarunikin.

Yokana 4:40

Kakame Josamaria obino kede, kiko kwano Yesu be bed kede gi; di Yesu oko bedo kuno pi ceng are.

Yokana 4:42

Gin kiko waco ne dako nono be, “Likame wan oyei pi yamo nin, do pien wan ikom wa otieko winyo, doko ongeo be ateteni man en Ngalak me piny.”

Yokana 6:63

Tipo ka Rubanga en kame mio kuo, do kom dano likame tie kede kony moro; kope kame ango atieko waco ne wu tie Tipo ka Rubanga kede kuo da.

Yokana 7:46

Isirikalen oko dwoko be, “Cako lem pwodi likame tie ngatamoro kame oyamo bala icuo ni!”

Tice 1:8

Do kame Tipo Kacil obino i komu, ibinunu udo twer di ikounu bino bedo ijurak na i Yerusalem kede i Yudea dedede, kede i Samaria da, tuno kede i ajikini me lobo.”

Tice 15:3

Di do ekodet me jokirisito oko cwano gi kioto, kiko beno ki Poenike kede Samaria, di kitatamo epone kame jo kalikame Iyudayan olokere kede but Rwot. Kop nono oko yomo cuny jo koyei Kirisito dedede.

Tice 8:12

Do kakame kiwinyo kede kop aber me Ajakanut ka Rubanga kede nying Kirisito kame Pilipo oudo tatamo, gin kiko yei di oko batiso gi, cuo karacel kede mon.

Tice 8:25

Ingei mino ijura kede pwonyo kop ka Rwot, Petero kede Yokana oko dok Yerusalem, di kiko donyo tuco ejiri i calere atot me Samaria.

Iburanian 4:13

Doko likame tie giacwea moro kame okanere ki nyim Rubanga, do en eneno gi dedede di tie ilererei i nyime. En nono en kame miero wan dedede onyut tice wa i nyime.