Yokana 4:40 - Baibuli I Leb Kumam 2013

⁴⁰ Kakame Josamaria obino kede, kiko kwano Yesu be bed kede gi; di Yesu oko bedo kuno pi ceng are.

Yokana 4:40 Iomraidhean Croise

Ageini 32:26

Icuo nono oko waco be, “Ber ango aoti, pien piny tie ru.” Do Yakobo oko waco be, “Likame ango abino yei ni ot, paka tuno di ilamo na winyo.”

Agole 4:13

Lide alida baba i kom pwony kame iudo; kur iweke ebwoti; gwoke kiber, piento en ebedo kuo ni.

Wer amit 3:4

Cucuto kakame ango akato gi kede, ango ako udo opa na kame cunya maro. Ango ako lide i kome di ako dagi ne ot paka tuno ako tere i ot ka toto na i agola me ngat koyaca.

Yeremia 14:8

Okwe in ngat kame ibedo gen me Isirael, ngat kame lake i kare me peko, pinyo komio itie i lobo wa bala ngakumbor, bala dano atie i sapali kobeo pi buto iwor acel kenekene?

Luka 10:39

Marita oudo tie kede amin mere kame nyinge Maria, kame oudo tie bedo piny i tien Yesu di ewinyo pwony mere.

Luka 24:29

do gin kiko dine di kiwaco ne be, “Bed ber kede wa, pien piny oyapuno yuto, doko isawan da okato.” Di do en eko ot bedo kede gi.

Luka 8:38

Icuo kame oudo koriamo jwogi ki kome nono oko kwano Yesu be eyei ne eda upere kede. Do Yesu oko dagi ne di ewaco ne be,

Yokana 4:39

Jo me Samaria atot kame oudo tie i bomba nono oko yei Yesu pi ijura kame dako nono omio i kome be, “Etuco na gi dedede kame ango oudo atimo cako.”

Yokana 4:41

Jo ace atot oko yei Yesu pi kope kame epwonyo.

Yokana 4:43

Di ceng are okato, Yesu oko yai di eko ot Galilaya.

Tice 16:15

Ingei batiso en karacel kede jo me i ode dedede, Lidia oko ngangao wa di ewaco be, “Ka wun itiekunu neno be ango atie kede yei i kom Rwot, bia ibedunu i oda.” Tam mere oko bwono merwa.

Tice 8:8

Manoni oko mino jo kame bin tie i bomba me Samaria oko bedo kede kilel adwong.

Gianyuta 3:20

Nenunu, ango atie cungo i dog ekeko di akukungo; ka ngatamoro owinyo dwana di eko yabo ekeko, ango abino donyo i ode di ako cam kede en, di eda eko cam keda.