Yokana 4:25 - Baibuli I Leb Kumam 2013

²⁵ Dako nono oko dwoko ne be, “Ango angeo be Mesia tie bino” (en ngat kame kolwongo be Kirisito). “Ka en etuno, ebino nyuto ne wa gi dedede.”

Yokana 4:25 Iomraidhean Croise

Matayo 1:16

Yakobo oko nywalo Yosepu cwar Maria, kame oko nywalo Yesu kame kolwongo be Kirisito.

Matayo 27:17

Kakame jo oudo otieko cokere kede karacel, Pilato oko penyo gi be, “Imitunu be agony ne wu ngai? Baraba arabo Yesu kame kolwongo be Kirisito?”

Matayo 27:22

Pilato oko penyo gi be, “Nyo do kame poore atim ne Yesu kame kolwongo be Kirisito?” Gin dedede kiko dwoko be, “Wek gure i kom musalaba.”

Luka 2:11

pien tin konywalo ne wu Ngalak i Bomba ka Daudi, en Kirisito Rwot.

Yokana 1:49

Natanael oko dwoko ne be, “Apwony, in en Wot ka Rubanga! In en abaka me Isirael!”

Yokana 4:29

“Bianu inenunu icuo kame otuco na gi dedede kame ango atimo cako. Benyo, iparunu be ekaruno bedo Kirisito?”

Yokana 4:39

Jo me Samaria atot kame oudo tie i bomba nono oko yei Yesu pi ijura kame dako nono omio i kome be, “Etuco na gi dedede kame ango oudo atimo cako.”

Yokana 4:42

Gin kiko waco ne dako nono be, “Likame wan oyei pi yamo nin, do pien wan ikom wa otieko winyo, doko ongeo be ateteni man en Ngalak me piny.”