Yokana 4:23 - Baibuli I Leb Kumam 2013

²³ Do esawa tie bino, doko nataman en inononi da, kame jo kame woro Rubanga i ateni bino woro Papa i twer me Tipo Kacil kede ateni. Pien epone me jo nogi en kame Papa mo pi mine wor.

Yokana 4:23 Iomraidhean Croise

1 Iyutun 29:17

Ango angeo, Okwe Rubanga na, be in ingeo cuny jo dedede, doko in cunyi yom pi jo kame ekite gi opoore. Ango pi mit me cunya atieko mini jamini nogi dedede kede cuny me ateni, doko nataman atieko neno di jo ni kame tie kan, mio jamini gi buti kede kilel abongo gung moro.

Sabuli 147:11

do Rwot cunye yom i kom jo kame lwore, jo kame gen gi tie i kom amara mere kalikame lokere.

Sabuli 17:1

Winy koko na Okwe Rwot, pien kop na tie me ateni; cik yiti iwiny ilega kame wok ki doga, ilega kame angalo li kiye.

Sabuli 32:2

Kitie kede yomcuny gin jo kame Rwot likame maro rac moro i wi gi, kede kame tim me angalo likame tie i kuo gi.

Sabuli 51:6

In imito cuny kame tie kede ateni; pi mano, pwony cunya me diere i rieko.

Agole 15:8

Rwot cunye dagi giayala me jo areco, do ilega me dano kame ekite mege cil yomo cunye.

Wer amit 2:14

Okwe awele na ipwono kakobarere me lela. Mia anen wangi, mia awiny dwani. Pien winyo dwani mit, doko da wangi cil.

Isaya 10:20

Kare tie bino kame jo me Isirael odong mege, ikwae ka Yakobo obwot mege, likame bobo bino gengere kede i kom jo koudo obwono gi, do kibino do keto gen gi i ateni i kom Rwot, Ngat Kacil me Isirael.

Isaya 29:13

Rwot owaco be, “Jogi sidiko wora kede dog gi kenekene, do cuny gi bor kibuta; epone kame kiwora kede obedo wero kede wic cik kame dano en otimo.

Isaya 43:21

Gin en jo na kame acweo pira tetekeny kipaka.”

Isaya 58:2

Gin kiwora buli ceng, di kiwaco be cuny gi mito kitek ngeno yote na. Gin kom kitimere bala ateker kame timo gi kopoore, ateker kalikame oweko iswilia ka Rubanga gi. Kipenya pi ngolo negi kop kakare, doko cuny gi yom pi wora.”

Yeremia 3:10

Bed bala magonogi dedede otimere, Yuda, amin me Isirael kalikame genere, likame oko dwogo buta kede cunye lung, en ecukere acuka. Ango Rwot en awaco.”

Yeremia 4:2

Doko da ka itienu lairo, lairunu kede ateni i nyinga, di atekerin apat dedede ko bino kwana pi mino gi winyo di gin kiko bino wakere pira.”

Esekeri 22:30

Ango ako bedo mono dano moro ki diere gin kame koto temuno apama, dano kame koto cung i nyima i arora pir lobo nono, tetekeny kur ango amuducaro en; do likame ako udo ngatamoro.

Yokana 1:17

Pien bin komio Iswil di beo kibut Musa, do kisa kede ateni bin obino di beo kibut Yesu Kirisito.

Yokana 12:23

Yesu oko dwoko negi be, “Esawa do nan otieko tuno kame koyaro mino kede deyo i kom Wot ka dano.

Yokana 16:2

Kibino riamo wu tenge ki sinagogan. Ateteni esawa bino tuno kame ngat kame neko wu bino paro kede be etie timo ne Rubanga tic.

Yokana 16:32

Esawa tie bino, doko etieko tuno da, kame kobino sasaro wu kede, ngat acelacel tunge kene, di ikounu weka kena. Do di likame udo ango adong kena, pien Papa udo tie keda.

Yokana 4:21

Yesu oko waco ne be, “Dako ni, yei gikame ango atie waco ni, kare tie bino kalikame ibinunu woro kede Rubanga ki wi moru noni akadi ki Yerusalem da.

Yokana 5:25

Ateteni, ateteni awaco ne wu be, esawa oyaro tuno, doko nataman en inononi da, kame jo oto bino winyo kede dwan Wot ka Rubanga, di jo kame winyo ko bino bedo kuo.

Yokana 5:28

Kur iurunu kop noni; pien esawa bino tuno kame jo dedede kame tie i atesin bino winyo kede dwane,

Joroma 1:9

Rubanga, ngat kame ango atio ne kede cunya lung di atuco ejiri ka Wode, en kame obedo mujura na be, ango nakanaka ayutuno wu i ilega na.

Joroma 8:15

Pien likame igamunu Tipo kame loko wu idokunu ipasoi di eko mino wu bedo kede lworo, do igamunu Tipo kame mio wu ibedunu idwe ka Rubanga. Kame okokunu but Rubanga be, “Aba! Papa!”

Joroma 8:26

Kamanono da, Tipo konyo wa i goro wa; pien likame wan ongeunu epone me lego bala kame opoorenu timo kede, do Tipo nono bako doge pirwa kede cur kalikame wacere.

Jogalatia 4:6

Doko pi wun ibedunu idwe mege, Rubanga otieko cwano Tipo ka Wode i cuny wa, Tipo kame kok but Rubanga be, “Aba! Papa!”

Joepeso 6:18

Legunu i kare dedede bala kame Tipo telo wu kede i ilega kede kwac acelacel but Rubanga. Pi mano, bedunu di wangu bit di ikanyakinunu i ilega pi jokacil dedede.

Jopilipi 3:3

Pien wan en kame oudunu kepere me ateni, wan jo kame oworo Rubanga i Tipo mere, jo kame bedo kede deyo i Kirisito Yesu di likame kiketo gen gi atek i gi me kom.

Yosua 24:14

“Pi mano, poore iworunu Rwot di ikounu timo ne tic kede ateni kede genere. Ucunu tenge rubangan kame bin joakwari wu woro ki loka tetuca me ecilet kede i Misiri, di ikounu timo tic ne Rwot en kene.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

1 Samuel 12:24

Kenekene lworunu Rwot, di ikounu timo ne tic kede genere kede cunyu lung; kong yutununu gi adongodongo kame en etimo ne wu.