Yokana 4:22 - Baibuli I Leb Kumam 2013

²² Wun iworunu ngat kalikame ingeunu; do wan oworo ngat kame ongeo, pien alako owok kibut Iyudayan.

Yokana 4:22 Iomraidhean Croise

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Esera 4:2

gin kiko ot but Serubabel kede jotel me miere apapat di kiko waco negi be, “Yeunu ne wada ribere kede wu pi gero tempulo, pien wada oworo Rubanga acel kame wuda iworunu nono, doko da wan lem obedo mine giayala cako i kare kame Esarakadon abaka me Asiria okelo wa kede bedo kanoni.”

Sabuli 147:19

En emio kop mere but jo mege; en emio jo me Isirael iswilia kede cik mege.

Sabuli 68:20

Rubanga wa en Rubanga kame lako wa, en Rubanga, Rwot wa, ngat kame mio wa obwot ki to.

Isaya 12:2

Ateteni Rubanga en kame laka; ango abino keto gen na i kome di likame ako bedo kede lworo. Rwot en amia teko kede twer, en kame elaka.

Isaya 12:6

Poore jo dedede kame bedo Sion lelemo kitek di kiwero kede kilel, pien Rubanga kacil me Isirael dwong; en ebedo i diere me jo mege.”

Isaya 2:3

Jo atot bino ot iye di kiko waco be, “Ootunu i wi moru ka Rwot, i tempulo ka Rubanga me Isirael. En ebino pwonyo wa gikame en emito ne wa timo di wan oko lubo kop mere.” Pien pwony ka Rwot bino wok ki Sion; kope mege bino wok ki Yerusalem.

Isaya 46:13

Ango atie bino lako wu i kare kiyapiyapi, likame alako wu bor. Ango likame abino gal bino lako wu; abino lako bomba me Sion, pien jo me Isirael obedo deyo na.”

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Luka 24:47

kede da be poore pwonyo kop i kom iswilar kede sasiro jo ki dub gi i nyinge, ne atekerin dedede cako ki Yerusalem.

Tice 17:23

Pien kakame ango abedo bebeo kede di angingico jame kame wun iworunu, ako da udo alutari moro kame tie kede iwandik kame waco be, ‘But rubanga kalikame ngere.’ Pi mano, gikame wun iworunu kalikame kongeo nono en ine kame ango atie tuco ne wu kop i kome.

Tice 17:30

Rubanga otieko weko kop me kare kame bin jo kwie kede nono, do nan eciko jo dedede me kabedo dedede pi swilaro,

Tice 3:26

En komio ingei Rubanga yero ngatic mere, ber kong en eko cako cwane butu, pi mino wu winyo me en loko ngat acelacel kibutu ki tim wu areco.”

Joroma 11:18

kur iwakere ne ajange apat. Aso nan ka in iwakere, ngei kiber be in en kalikame itie pito aliasin kede cam, do aliasin en kame tie pitin.

Iburanian 7:14

Pien etie kakaler be Rwot wa owok kiye ateker ka Yuda, do Musa likame oyamo kop moro i kom ateker noni, kame makere kede kop me josaseredoti.