Yokana 4:21 - Baibuli I Leb Kumam 2013

²¹ Yesu oko waco ne be, “Dako ni, yei gikame ango atie waco ni, kare tie bino kalikame ibinunu woro kede Rubanga ki wi moru noni akadi ki Yerusalem da.

Yokana 4:21 Iomraidhean Croise

Isaya 66:1

Rwot waco be, “Malo obedo kakame ango apugo kiye, doko wi lobo obedo abanya me teno tiena. Ot kacal kamene en kame wun ikarununu gero nango? Doko kabedo kacal kamene en kame ango aromo wei iye?

Esekeri 14:3

En ewaco be, “Wot ka dano, cuo nogi otieko keto cuny gi woro caljwogi, di gin kiko mino dub orire i nyim gi bala isiki kame getaro gi. Benyo, kom ateteni gin kiparo be ango abino yei negi udo kop kibuta?

Esekeri 20:3

En ewaco na be, “Wace jodongo me Isirael nogi be ango Rwot Rubanga atie waco kaman: pinyo komio wun ibinunu penyo tam kibuta? Ango akwongere be likame abino yei ne wun penya kop moro. Ango Rwot Rubanga atieko waco.

Malaki 1:11

Cako ki bad tetu kide tuno i bad tetu poto ceng, atekerin dedede mia wor. I kabedere dedede gin kiwango odok angwe kur me yala, kede giayala apat kame poore. Gin dedede kimia wor!

Matayo 18:20

Pien kakame jo are arabo adek ocokere iye i nyinga, udo ada atie i diere gi.”

Matayo 28:19

Pi mano, otunu ilokunu jo me atekerin dedede dok jo kame luba, batisonu gi i nying Papa kede Wod kede Tipo Kacil,

Luka 21:24

Mogo kobino neko kede epima, doko kobino mako mogo di oko tero gi bala mabus i pinye dedede; di jo kalikame Iyudayan ko bino tuturo Yerusalem piny tuno kede kame kare gi otiek.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 16:2

Kibino riamo wu tenge ki sinagogan. Ateteni esawa bino tuno kame ngat kame neko wu bino paro kede be etie timo ne Rubanga tic.

Yokana 16:32

Esawa tie bino, doko etieko tuno da, kame kobino sasaro wu kede, ngat acelacel tunge kene, di ikounu weka kena. Do di likame udo ango adong kena, pien Papa udo tie keda.

Yokana 4:23

Do esawa tie bino, doko nataman en inononi da, kame jo kame woro Rubanga i ateni bino woro Papa i twer me Tipo Kacil kede ateni. Pien epone me jo nogi en kame Papa mo pi mine wor.

Yokana 5:25

Ateteni, ateteni awaco ne wu be, esawa oyaro tuno, doko nataman en inononi da, kame jo oto bino winyo kede dwan Wot ka Rubanga, di jo kame winyo ko bino bedo kuo.

Yokana 5:28

Kur iurunu kop noni; pien esawa bino tuno kame jo dedede kame tie i atesin bino winyo kede dwane,

Tice 6:14

pien wan owinyo di ewaco be Yesu noni me Nasaret oyaro tuturo tempulo, di eko loko itok kame bin Musa omio wa.”

Joepeso 2:18

pien i Kirisito, wanunu dedede okarununu tuno but Papa i Tipo acel.

Joepeso 3:14

Kop noni en komio ango ariondiko i nyim Papa,

1 Temeseo 2:8

Ango amito be, i kabedere dedede, cuo poore lego di kikiarao cing gi kacil malo, abongo cuny me gero arabo piem.

1 Petero 1:17

Aso ka ilwongunu ngat kame ngolo kop ne dano acelacel abongo apokapoka di elubo tice mege be Papa wu, miero do ibedunu kede lworo kede wor i nyime i kare lung kame itienu kede i lobo kan, kame rom bala bedo obukui.

Gianyuta 21:22

Likame aneno tempulo moro i bomba nono, pien tempulo mere en Rwot Rubanga Won Twer kede Katin Romo.