Yokana 4:14 - Baibuli I Leb Kumam 2013

¹⁴ do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 4:14 Iomraidhean Croise

Isaya 49:10

Kec arabo orio likame bino neko gi. Ceng arabo yamo aliet me wi tim likame bino wango gi, pien ngat kame tie kede kisa i kom gi en kame bino telo gi. En ebino telo gi kibeo i nget ataneko me pii.

Isaya 55:1

Rwot waco be, “Wun jo dedede kame orio oneko, bia imatunu pii; wun jo kame iliunu kede sente, bia iwilunu cam di ikounu camo! Bianu! Wilunu bwini kede cak abongo sente doko abongo cul moro.

Isaya 58:11

Ango abino telo wu nakanaka di ako mino wu gikame mitere ne wu i kabedere kotuo. Abino mino ibedunu tek di itienu kede yotkom. Ibinunu bedo cal bala poto kame pii oromo kiber, bala atan kalikame tuo.

Yeremia 2:13

pien jo na otieko timo jamini areco are: gin kitieko weka, ango ngat kame abedo negi bala atan me pii amio kuo, di gin kiko lunyo kukunyo ataneko gi, ataneko kame buge gi obabarun, manono mio pii likame cungo i yi gi.” Rwot waco be,

Yeremia 31:25

Abino mino jo ool udo teko, doko abino mino jo kame kec obwono cam di gin kiko udo teko.

Esekeri 47:9

Kabedo dedede kame pii noni mol iye, ikodeta me gi akuo atot bedo tie kanono, doko da aporogon atot bedo tie iye pien pii noni ka otuno kunono eloko pii amunyomunyo doko ber. Aso kabedo dedede kame pii noni mol iye gi dedede akuo bedo tie iye.

Jolebi 11:36

Do atan arabo akong kame pii tie iye bedo gi kame li kede pwokere, bed bala gi atie iye koudo oriamakin kede kom gi koto dong di tie gi kopwokere.

Matayo 25:46

Di do gin kiko bino ot i alola me nakanaka, do jo kopoore ko bino ot i kuo kame bedo nakanaka.”

Matayo 5:6

Kitie kede winyo jo kame cuny gi mito timo gikame opoore, pien kobino mino gi gikame kimito.

Yokana 10:10

Ngakuwo bino kenekene pi kwalo, neko kede pi dudubo. Do ango abino tetekeny jo ud kuo, kuo kopong.

Yokana 11:26

doko ngatamoroni kame nan kuo di eyei ango, likame ebino to. Benyo, iyei kop noni?”

Yokana 4:10

Yesu oko dwoko ne be, “Koto oudo ingeo giamia ka Rubanga kede ngat kame tie waco ni be, ‘Mia pi amati,’ oudo koto ipenye di en eko mini pii me kuo.”

Yokana 4:11

Dako nono oko dwoko ne Yesu be, “Adwong, in ili kede gi me twomo pii, doko atan noni tut, in ibino udo pii me kuo nono ki tuai?

Yokana 4:13

Yesu oko waco ne be, “Ngat acelacel kame mato pii ni, orio bobo pwodi bino neke;

Yokana 4:36

Ngat kame kao udo egelit, doko ecoko anyakini pi kuo kame bedo nakanaka, tetekeny ngacuc kede ngakac bed kede kilel karacel.

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:35

Yesu oko waco ne gi be, “Ango en mugati me kuo; ngat kame bino buta kec likame bino neke, doko ngat kame yei ango orio likame bino neke.

Yokana 6:58

Man en mugati kame bin owok piny ki malo, likame bala maca kame bin joakwari ocamo di kiko to; ngat kame camo mugati noni bino kuo ikar kede ikar.”

Yokana 7:37

I ceng kame jiko ebaga, en ceng kame pire dwong, Yesu oko cungo di eko waco kede dwane amalo be, “Ngat kame orio oneko, ebin buta,

Joroma 5:21

Etie kamano tetekeny bala kame dub obedo kede loc di ebeo ki to, wek kisa da bed kede loc di ebeo ki poore, di eko kelo kuo kame bedo nakanaka pi Rwot wa Yesu Kirisito.

Joroma 6:23

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

2 Jokorinti 1:22

En etieko keto alama mere i kom wa, di eko mino wa Tipo i cuny wa pi bedo bala gikame moko iik mere.

Joepeso 4:30

Kur imiunu Tipo Kacil ka Rubanga ud wangcuny; piento en nono kame ebedo alama kame moko be ceng me alako wu bino tuno.

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Gianyuta 7:16

Kec likame bobo bino neko gi, akadi orio me pii da likame bino neko gi; ceng likame bino wango gi akadi lieto moroni.

Gianyuta 7:17

Pien Katin Romo kame tie i nyim kom me ajakanut bino bedo ngakwat gi, en ebino telo gi etero gi i atan me pii me kuo di Rubanga ko bino weno pige wang gi dedede.”