Yokana 4:10 - Baibuli I Leb Kumam 2013

¹⁰ Yesu oko dwoko ne be, “Koto oudo ingeo giamia ka Rubanga kede ngat kame tie waco ni be, ‘Mia pi amati,’ oudo koto ipenye di en eko mini pii me kuo.”

Yokana 4:10 Iomraidhean Croise

Sabuli 10:17

Okwe Rwot, in ibino winyo kwac me jo amwol; ibino mino gi tekcuny.

Sabuli 46:4

Tie ecilet moro kame mol mere kelo yomcuny i bomba ka Rubanga, i kabedo kacil ka Ngamalo Twal.

Yai 17:6

Ango abino cungo i nyimi i moru me Sinai. Di in iko jwato lela di pii me amata ko bino wok kiye ne jo.” Musa oko timo kamanono i nyim joadongo me Isirael.

Wer amit 4:15

In atan abido poti, esamai me pii amol, pii anyete wok ki wi mori me Lebanon.

Isaya 12:3

Bala kame pii angic kelo kede yomcuny but jo kame orio oneko, kamanono da jo ka Rubanga bedo kede kilel kame elako gi.”

Isaya 35:6

Ingwalasa bino sosomo bala atil, di jo kame leb gi oto ko bino wer pi ilel. Pii bino tuc i wi tim di isamai ko mol;

Isaya 42:6

“Ango Rwot en kame atieko lwongi pi poore na, abino maki kede cingi di ako gwoki; atieko mini bala isikan but jo dedede, pi bedo lero but atekerin.

Isaya 43:20

Leini me obar bino mina wor, ikween kede ikululun; pien ango atuco pii i wi tim, icileta mol i wi tim kunono, pi mino jo na kame ayero pii me amata.

Isaya 44:3

“Ango abino onyo pii i lobo kotuo, doko abino mino icileta mol i lobo kotuo. Ango abino mino tipo na but ikwae wu, kede winyo na but idwe wu.

Isaya 49:10

Kec arabo orio likame bino neko gi. Ceng arabo yamo aliet me wi tim likame bino wango gi, pien ngat kame tie kede kisa i kom gi en kame bino telo gi. En ebino telo gi kibeo i nget ataneko me pii.

Isaya 9:6

Konywalo ne wa atin, komio wa atin awobi! En ebino bedo ngapug wa! Kobino lwonge be, “Ngamini tam me Aura, Rubanga Won Twer, Papa kame bedo Nakanaka, Ngapug akelo Mulem.”

Yeremia 2:13

pien jo na otieko timo jamini areco are: gin kitieko weka, ango ngat kame abedo negi bala atan me pii amio kuo, di gin kiko lunyo kukunyo ataneko gi, ataneko kame buge gi obabarun, manono mio pii likame cungo i yi gi.” Rwot waco be,

Esekeri 16:35

Pi mano, Okwe Yerusalem, in malaya noni winy kop kame Rwot tie waco.

Sakaria 13:1

“I kare nono kobino yabo atan me lonyo ikwae ka Daudi kede jo me Yerusalem ki dub kede ki pwokere.

Sakaria 14:8

Kame ceng nono otuno, pii amio kuo bino mol wok ki Yerusalem, dul mere bino mol ot i Nam Oto, kede dul mere ko bino mol ot i nam me Mediterania. En ebino mol i kare me oro di rom aroma bala kare me iporo.

Luka 11:13

Aso, ka do ber wun jo areco ingeunu mino idwe wu giamia abeco, do kalamo mano tien adi en kame Papa wu kame tie i malo bino mino kede Tipo Kacil but jo kame kwae?”

Yokana 16:3

Kibino timo man pien likame kingeo Papa arabo ango.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 6:35

Yesu oko waco ne gi be, “Ango en mugati me kuo; ngat kame bino buta kec likame bino neke, doko ngat kame yei ango orio likame bino neke.

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Tice 9:11

Rwot oko waco ne be, “Yai iko ot i gudo kame kolwongo be, Gudo Koriere, di iko penyo ki ot me icuo kame nyinge Yuda kakame icuo moro kame nyinge Saulo me Taruso tie iye; pien neningo, en etie ilega,

Joroma 8:32

En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en?

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

1 Jokorinti 10:4

gin dedede kiko mato giamata acel me cuny. Pien gin kimato pii kowok ki lela ka Rubanga, kame bin lubo gi; lela nono en bin Kirisito.

2 Jokorinti 9:15

Pwoc bed but Rubanga pi giamia mere, giamia kame bero mere likame wacere!

Joepeso 2:8

Pien kisa ka Rubanga en komio kolako wu pi bedo kede yei. Man likame wun en kame itimunu, do etie giamia ka Rubanga;

Iburanian 6:4

Pien dwoko jo opoto ki yei gi pi mino gi swilaro tek, jo kame oudo kong otieko bedo i lero, jo kame obilo udo giamia kame wok ki malo kede jo kame bin oudo Tipo Kacil.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Gianyuta 21:6

Di en eko waco na be, “Kotieko timo gi! Ango en Alpa kede Omega, agege kede ajikini. Ngat kame orio oneko abino mine emato pi me atan me kuo abongo cul moro.

Gianyuta 22:17

Tipo kede Ateran waco be, “Bia.” Jo dedede kame winyo kop noni miero wac be, “Bia.” Ngat kame orio oneko, ebin; wek ngat kame cunye mito, egam pii me kuo abongo cul.

Gianyuta 7:17

Pien Katin Romo kame tie i nyim kom me ajakanut bino bedo ngakwat gi, en ebino telo gi etero gi i atan me pii me kuo di Rubanga ko bino weno pige wang gi dedede.”