Yokana 3:5 - Baibuli I Leb Kumam 2013

⁵ Yesu oko dwoko be, “Ateteni, ateteni awaco ni be, likame tie ngat kame twero donyo i Ajakanut ka Rubanga kwanyo di konywale nywal me pii kede me Tipo Kacil.

Yokana 3:5 Iomraidhean Croise

Matayo 18:3

di eko waco be, “Ateteni awaco ne wu be, kalikame ilokerenu ikounu doko bala idwe, likame ibinunu donyo i Ajakanut me malo.

Matayo 19:24

Doko awaco ne wu be, eyoyot ne aguragura donyo ki wang piso kalamo ngabar donyo i Ajakanut ka Rubanga.”

Matayo 21:31

Awobi mene kikom awobe are go en kotimo gikame papa mere mito?” Gin kiko dwoko be, “Awobi me agege.” Yesu oko waco ne gi be, “Ateteni awaco ne wu be, jorar esolo kede imalayan bino cako ot ne wu i Ajakanut me malo.

Matayo 28:19

Pi mano, otunu ilokunu jo me atekerin dedede dok jo kame luba, batisonu gi i nying Papa kede Wod kede Tipo Kacil,

Matayo 3:11

Ango abatiso wu kede pii pi nyuto be wun itiekunu swilaro, do ngat kame tie bino i cen ngea oyaro batiso wu kede Tipo Kacil kede mac. En etie kede twer kame loa, doko ango likame apoore pi mako amuka mere.

Matayo 5:20

Pien ango awaco ne wu be, likame ibinunu karuno donyo i Ajakanut me malo, kwanyo ka itimunu gi kopoore ne Rubanga kalamo jopwony me Iswil kede Iparisayon.

Marako 10:14

Do kakame Yesu oneno kede kamano, cunye oko wang, di en eko waco ne josiao mege be, “Wekunu idwe atino bin buta, kur igengunu gi, pien Ajakanut ka Rubanga tie pir jo kame cal bala gin.

Marako 16:16

Ngat kame yei di oko batiso en, ebino udo alako, do ngat kalikame yei kobino ngolo kop loe.

Marako 9:47

Doko ka wangi en kame mi idubo, gole ooko, pien eber ne in donyo i Ajakanut ka Rubanga abongo wangi acel, akaka bedo kede wangi are dedede di oko uci i mac kalikame to.

Luka 13:24

“Timunu teko twatwal pi donyo kiye ekeko adiding; pien awaco ne wu be, jo atot bino mito donyo i Ajakanut ka Rubanga, do likame kibino karuno.

Luka 13:3

Ango awaco ne wu be, likame kamano; pi mano ka likame iswilarunu, wuda dedede ibinunu to kamanono.

Luka 13:5

Ango awaco ne wu be, likame kamano; aso ka likame iswilarunu, wuda dedede ibinunu to kamanono.”

Yokana 1:13

kalikame konywalo kede remo, doko likame pi mit me kom arabo mit ka dano, do pi mit ka Rubanga.

Yokana 3:3

Yesu oko dwoko ne be, “Ateteni, ateteni ango awaco ni be, likame tie ngat kame twero neno Ajakanut ka Rubanga, kwanyo ka konywale tien me are.”

Yokana 3:4

Nikodemu oko penye be, “Ka dano otieko doko dwong, kotwero nywale bobo benyo? Etwero bobo donyo i yi toto mere tien me are di oko nywale benyo?”

Tice 2:38

Petero oko dwoko ne gi be, “Swilarunu di oko batiso ngat acelacel kikom wu i nying Yesu Kirisito, di Rubanga ko bino sasiro wu ki dub wu, di ikounu bino udo giamia me Tipo Kacil.

Tice 3:19

Pi mano, wun miero iswilarunu, di ikounu lokere but Rubanga, tetekeny elwok dub wu tenge, me wek Rwot mi wu kare me wei.

Joroma 14:17

Pien Ajakanut ka Rubanga likame obedo cam kede giamata, do en ebedo poore, kede mulem, kede yomcuny i Tipo Kacil.

Joroma 8:2

Pien iswil me Tipo, kame mio jo kuo i Kirisito Yesu otieko gonyo wa kiye iswil kame kelo dub kede to.

1 Jokorinti 15:50

Imiegu kede amiegu na, gikame ango atie yamo ne wu en ine be, ringo kede remo likame karuno nywako Ajakanut ka Rubanga, doko da gikame top likame karuno doko gi kalikame top.

1 Jokorinti 2:12

Wan likame ogamunu tipo me piny kan do wan ogamunu Tipo kame wok kibut Rubanga, me wek oniangunu i kom giamia kame Rubanga omio wa.

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

Jogalatia 6:15

Pien akepo arabo bedo abongo akepo likame tie gikame pire tek, do bedo giacwea kanyen en kame pire tek.

Joepeso 5:26

En etimo man tetekeny emie edok gikacil pi kop mere, ingei lwoke i pii kame lonye,

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.

1 Petero 3:21

Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.