Yokana 3:32 - Baibuli I Leb Kumam 2013

³² En ejurao gikame eneno kede kame ewinyo, do likame tie ngatamoro kame yei ijura kame en emio.

Yokana 3:32 Iomraidhean Croise

Isaya 50:2

“Pinyo bo komio i kare kame bin ango ako bino kede likame audo ngatamoro? Pinyo komio likame tie ngatamoro kogamo doga kakame alwongere kede? Benyo, iparunu be ango agoro likame akaruno lako wu? Arabo iparunu be ango ali kede twer me lako wu? Ango atwero ciko nam di eko tuo, doko ango atwero loko icileta doko wi tim, di aporogon gin ko to pi li me pii di kiko top.

Isaya 53:1

“Ngai kotieko yei kop kame wan otatamo? Doko ngai en kotieko neno twer ka Rwot i gi noni?

Matayo 7:8

Pien ngat acelacel kame kwao komie, doko ngat kame mo eudo, kede dano kame kukungo ekeko koyabo ne.

Yokana 1:11

En oudo ebino ture kikokome, do jo mege likame oko game.

Yokana 15:15

Likame abino bobo lwongo wu be ipasoi, pien epasoit likame ngeo gikame ngadwong mere tie timo; do ango atie lwongo wu be jowota, pien amio wu ingeunu gi dedede kame ango awinyo kibut Papa na.

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 3:11

Ateteni, ateteni awaco ni be, wan oyamo kop i kom gikame ongeo, kede gikame oneno; do in idagi yei ijura kame wan omio.

Yokana 3:26

Gin kiko bino but Yokana di kiko waco ne be, “Apwony, ngat kame oudo in itie kede loka tetuca me Yorodan, kame in bin imio ijura i kome nono, en ine etie batiso jo; doko jo dedede tie ot bute.”

Yokana 3:33

Ngat kame yei kop me ijura mere, udo ngat nono otieko moko be Rubanga en ateni.

Yokana 5:20

Pien Papa maro Wod, bobo enyuto ne gi dedede kame en kikome etie timo. Doko da ebino nyuto ne tice adongodongo kalamo magi, di wun ikounu bino uro.

Yokana 8:26

Atie kede kope atot me ayama i komu, kede gi atot kame apoore waco ne wu raco iye; do ngat kame oora tie kede ateni, doko ango atie waco ne jo me piny gikame ango awinyo kibute.”