Yokana 3:30 - Baibuli I Leb Kumam 2013

³⁰ En miero emeede, do ango miero adok piny.”

Yokana 3:30 Iomraidhean Croise

Isaya 53:12

Pi mano, ango abino mine kabedo me wor i dier jo kame pirgi tek, di en eko bino poko kede jo atek jamini kame koyako i yi. En bin ejalo kuo mere doko oudo komare i kom jodubo; aso di en oudo eyeo dub me jo atot, doko elego pi jodubo.”

Isaya 9:7

Akarinikin mere me pug bino meede ameda dongo; anapakin me nakanaka bino bedo tie i ajakanut mere. En ebino lunyo kom me ajakanut ka Daudi, di eko mino ajakanut nono cungo di etek i yore me pug kede ateni kede i yore kopoore, cako nataman i kare noni tuno i kare me ajikini. Mit kame Rwot me jo yi tie kede pi timo kamanoni bino mino ecobere.

Yokana 3:29

Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.

Yokana 3:31

“Ngat kame obino ki malo kalamo jo dedede. Ngat kame tie i piny udo en me piny, doko da eyamo kope kame mako jamini me piny; ngat kame obino ki malo kalamo jo dedede.

1 Jokorinti 3:5

Kara Apolo do en ngai? Paulo en ngai? Wan obedo jotic ka Rubanga, jo kame otelo wu yei Yesu Kirisito iekite kame Rwot opoko ne kede ngat acelacel.

Jokolosai 1:18

En kame ebedo wi ekodet me jo koyei en, kame obedo kome. En agege, en kao kikom jo oto, tetekeny en ebed ngat kame telo i gi dedede.

Gianyuta 11:15

Malaika me kanyaare di oko kuto agwara mere, di dwan atot amalo oko winyere di yamo i malo be, “Ajakanut me piny otieko doko me ka Rwot wa kede me ka Kirisito mere, doko en ebino pug ikar kede ikar.”