Yokana 3:3 - Baibuli I Leb Kumam 2013

³ Yesu oko dwoko ne be, “Ateteni, ateteni ango awaco ni be, likame tie ngat kame twero neno Ajakanut ka Rubanga, kwanyo ka konywale tien me are.”

Yokana 3:3 Iomraidhean Croise

Yeremia 5:21

Winyunu, Okwe wun jomingo kalikame wi wu tio; itienu kede wangu do likame inenunu; itienu kede yitu do likame iwinyunu.

Esekeri 36:26

Ango abino mino wu cuny anyen kede tam anyen; abino kwanyo ki butu cuny me epali di ako lunyo mino wu cuny awor.

Matayo 16:17

Yesu oko dwoko ne be, “Simoni wot ka Yokana, in itie kede winyo! Pien likame dano adana en kame omi ingeo kop noni, do Papa na kame tie malo.

Matayo 19:24

Doko awaco ne wu be, eyoyot ne aguragura donyo ki wang piso kalamo ngabar donyo i Ajakanut ka Rubanga.”

Matayo 21:31

Awobi mene kikom awobe are go en kotimo gikame papa mere mito?” Gin kiko dwoko be, “Awobi me agege.” Yesu oko waco ne gi be, “Ateteni awaco ne wu be, jorar esolo kede imalayan bino cako ot ne wu i Ajakanut me malo.

Matayo 5:18

Ateteni awaco ne wu be, tek di malo kede lobo pwodi tie, likame tie enyukuta moro akadi acel, akadi dul moro atitidi me gikame kowandiko i Iswil, kame kobino kwanyo di pwodi likame gi dedede kame tie iye ocobere kakare.

Marako 10:14

Do kakame Yesu oneno kede kamano, cunye oko wang, di en eko waco ne josiao mege be, “Wekunu idwe atino bin buta, kur igengunu gi, pien Ajakanut ka Rubanga tie pir jo kame cal bala gin.

Marako 9:47

Doko ka wangi en kame mi idubo, gole ooko, pien eber ne in donyo i Ajakanut ka Rubanga abongo wangi acel, akaka bedo kede wangi are dedede di oko uci i mac kalikame to.

Yokana 1:13

kalikame konywalo kede remo, doko likame pi mit me kom arabo mit ka dano, do pi mit ka Rubanga.

Yokana 1:5

Lero nono rieny i colo, do likame colo obwone.

Yokana 1:51

Yesu oko waco ne be, “Ateteni, ateteni awaco ni be, ibino neno malo di oyabere, kede imalaikan ka Rubanga di tie ot malo kede di kitie bino piny i kom Wot ka dano.”

Yokana 12:40

“Rubanga otieko umo wang gi, doko etieko cego tam gi, ka koto oudo likame kamanono, koto wang gi okaruno neno, doko koto wi gi da oniang, di kiko lokere buta di ango ako cango gi.”

Yokana 3:4

Nikodemu oko penye be, “Ka dano otieko doko dwong, kotwero nywale bobo benyo? Etwero bobo donyo i yi toto mere tien me are di oko nywale benyo?”

2 Jokorinti 4:4

Gin jo kalikame kiyei Kirisito, pien rubanga me piny kan otieko umo tam gi tetekeny kur kinen lero kame wok kiye ejiri me deyo ka Kirisito, ngat kame cal acala kede Rubanga.

2 Jokorinti 5:17

Aso, ka ngatamoro tie i Kirisito, udo en etie giacwea anyen; gikacon okato, nan do gikame nyen otieko bino.

Jogalatia 6:15

Pien akepo arabo bedo abongo akepo likame tie gikame pire tek, do bedo giacwea kanyen en kame pire tek.

Joepeso 2:1

Oudo wun itounu pi turo iswil kede pi dub,

Iswilia 29:4

Do tuno tin Rwot likame omio wu iniangunu i kuo kame ibeunu iye.

Tito 3:5

en eko lako wa, likame pi tice kame wan otimo be pien wan opoore, do pi kisa mere. En etimo manoni i Tipo Kacil, ngat kame mio wa nywal me pii, en nywal me are, di okounu doko jo anyen.

Yakobo 3:17

Do me agege, rieko kame wok ki malo cil, doko da ekelo mulem, ebedo mot, egamo tam, etie kede cuny me kisa kede anyakini me tice kabeco, eli kede apokapoka amoto ecuke akadi atitidi moro.

1 Petero 1:3

Opwounu Rubanga Papa me Rwot wa Yesu Kirisito. Pi kisa mere kadwong, en emio konywalo wa i kuo kanyen me gen kakuo, pi iyarun ka Yesu Kirisito kikom jo oto,

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 3:9

Jo kame obedo idwe ka Rubanga likame dubo, pien kitie kede ekite me kuo mere. Likame gin kidubo pien kibedo idwe ka Rubanga.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

1 Yokana 5:18

Wan ongeunu be jo kame obedo idwe ka Rubanga likame dubo, pien Wot ka Rubanga gwoko gi, di likame Ngarac ko karuno mulo gi.

1 Yokana 5:4

pien ngat kame obedo anywali ka Rubanga lo piny. Doko yei wa en kame mio wa olounu piny.

Gianyuta 3:14

“Wandiko but malaika me ekodet me jokirisito kame tie Laodikia be: “Magi en kop kowok kibut Amen, mujura me ateni kame genere, ngat kame gi dedede kame Rubanga ocweo ocakere kibute.