Yokana 3:29 - Baibuli I Leb Kumam 2013

²⁹ Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.

Yokana 3:29 Iomraidhean Croise

Wer amit 3:11

Mon me Sion bianu inenunu Sulumani. En etie ngapo ocoro me ajakanut kame toto mere orwako i wie i ceng kame enyomere kede, i ceng kame cunye oudo modomodo kede.

Wer amit 5:1

Ango atieko donyo i poto na, amina, ateran na. Atie coko mura na kede yen angwe kur; atie camo mokic na kede apien mere; atie mato bwini na kede cak. Camunu, wun adiereson, matunu tuno wun mer kede amara.

Isaya 54:5

Ngat kocwei bino bedo bala cwari; nyinge Rwot me jo yi. Ngat Kacil me Isirael en Ngalak ni; en Rubanga me wi lobo lung.

Isaya 66:11

En ebino gwoko wu di eko kweno cunyu, bala kame atin doto kede tuno ka toto mere di cunye ko kwei. Ibinunu bedo i deyo mere me aura, ikounu bedo kede yomcuny.

Yeremia 2:2

ot rabo ne jo me Yerusalem kop noni tetekeny gin kiwinyi. Rwot owaco be, “Ango ayutuno epone kame oudo imire kede buta i kare ni me eponga, amara kame oudo itie kede buta bala ateran; in oudo ibedo luba i wi tim, i lobo kalikame ocuwo iye kodi.

Esekeri 16:8

“Ango bobo ako beo i ngeti di ako neni; in oudo do mwakini ni oromo me mito cuo. Ango ako yaro ekanso na di ako umi kede. Ango bin ako cikere kedi di ako timo kedi isikan me nyom, di do in iko doko mera.” Rwot Rubanga en owaco.

Kosea 2:19

Di ango ako bino teri, in Isirael, iko bedo dako na atwal; ango abino nyuto ni kuo kopoore kede me ateni; abino nyuto ni amara kalikame lokere kede cuny me kisa di ako mini ibedo mera atwal.

Matayo 22:2

“Okaruno poro Ajakanut me malo kede abaka kame otimo ebaga me nyom ka wode.

Matayo 25:1

“I kare nono kobino poro Ajakanut me malo kede anyira tomon kame okwanyo italan gi kiko ot pi riamo kede eteran.

Matayo 9:15

Yesu oko dwoko ne gi be, “Wun iparunu be wele kame tie i ebaga me nyom twero tururo i kare kame eteran pwodi tie kede gi? Ceng bino tuno kame kobino tero kede eteran tenge kibut gi di do gin kiko bino kanyo kec.

Luka 15:6

Ka etuno i paco, en elwongo jowote, karacel kede jokio mege dedede, di eko waco ne gi be, ‘Lelunu karacel keda, pien audo oromo na kame oudo orwenyo.’

Yokana 15:11

“Ango awaco ne wu gi nogi tetekeny kilel na bed i wun, kede tetekeny ibedunu kede kilel kame romo.

Yokana 16:24

Tuno nan pwodi likame ikwaunu gimoro i nyinga; kwaunu, ibinunu udo, me wek ibedunu kede kilel kame romo.

Yokana 17:13

Do nan ango atie bino buti, ango awaco kope nogi di pwodi atie i piny, tetekeny gin kibed kede kilel na di opong i cuny gi.

Yokana 3:30

En miero emeede, do ango miero adok piny.”

2 Jokorinti 11:2

Ango atie kede nyeko ka Rubanga piru, pien ango anero wu pi nyomere kede Kirisito, pi mino wu bute bala kame komio kede ateran kalikame pwodi ngeo icuo but cware acel kenekene.

Jopilipi 2:2

mianu apong kede yomcuny pi wun bedo kede tam kame cacal, amara acel, kede winyere di itienu kede tam acel.

1 Yokana 1:4

Wan otie wandiko gi nogi tetekeny obedunu kede kilel kopong.

2 Yokana 1:12

Bed bala ango atie kede kope atot kame apoore wandiko ne wu, do aparo be miero kur doko awandiko gi awandik, do ango atie kede gen me bino neno wu wang i wang di ako yamo kede wu, tetekeny opongunu kede kilel.

Gianyuta 21:9

Di malaika acel kikom imalaikan kanyaare nogo, kame oudo tie kede bakulin kanyaare me egere me can kanyaare me ajikini, oko bino buta di eko waco na be, “Bia, abino nyuto ni Ateran, dako me Katin Romo.”