Yokana 3:27 - Baibuli I Leb Kumam 2013

²⁷ Yokana oko dwoko ne gi be, “Likame tie dano kame twero udo gimoro kwanyo di komie ki malo.

Yokana 3:27 Iomraidhean Croise

Yeremia 1:5

“Di pwodi oudo likame ango acwei i yi toto ni, oudo ango angei. Doko da di oudo pwodi likame konywali, oudo ango akweri pi timo tic na; oudo ayeri pi bedo enabi but atekerin.”

Yeremia 17:16

Rwot, do ango gira likame abedo supi pi kelo can i kom gi; likame aparo i cunya be koto cengemoro peko opoto negi. Rwot, in ingeo gikame doga owaco; in itie kede niang iye.

Amosi 7:15

Do Rwot oko kwanya ki tic na me kwat di eko waco na pi bino murao kop mere but jo mege me Isirael.

Wel 17:5

Di do ebela me ngat kame ango abino yero pi bedo ngasaseredoti na ko bino libo. Iepone noni ango abino jiko ingungur kame jo me Isirael tie kede i komi nakanaka.”

Matayo 21:25

Akarunikin kame bin Yokana batiso kede jo oudo owok ki malo arabo kibut jo?” Gin kiko cako piem ken gi ken gi be, “Ka owacunu be, ‘Ewok ki malo,’ en ebino waco ne wa be, ‘Do pinyo komio likame ikounu yei en?’

Matayo 25:15

Bin emio ngat acel talente kany, dano ace di eko mino talente are, kede ocelu da en eko mino talente acel. Emio dano acelacel gikame rom kede teko mere. En di do eko ot.

Marako 13:34

Ebino bedo cal bala dano moro kame tie ot i piny abor. Do di pwodi likame eyai, emio jotic mege tic kame ngat acelacel poore timo, di en eko ciko ngadar ekeko pi bedo di wange bit.

Yokana 10:41

Jo atot oko ot bute di kiko waco ne be, “Yokana bin likame otimo gianena moro, do kope dedede kame Yokana owaco i kom icuo ni tie gi me ateni.”

Yokana 6:65

En eko waco be, “Gini en komio ango awaco ne wu be, likame tie ngatamoro kame sobolo bino buta, kwanyo di Papa na en oyei ne.”

Joroma 1:5

Ango atieko udo kisa kede or ka Rubanga di beo kibute, pi mino atekerin dedede bedo kede wor pi yei nyinge.

Joroma 12:6

Bala kame otienu kede giamia apapat kame lubere kede kisa kame Rubanga omio wa, wek otiunu kede gi. Ka giamia wa obedo me imurai, otiunu kede di lubere kede rom me yei wa;

1 Jokorinti 1:1

Baluwa kowok kibut Paulo, ngat kame bin Rubanga olwongo i mit mere pi bedo ngaor ka Kirisito Yesu, kede kibut omin wa Sosetene.

1 Jokorinti 12:11

Magi dedede Tipo acel nono en kame timo, en kame epoko gi but ngat acelacel bala kame emito.

1 Jokorinti 15:10

Do pi kisa ka Rubanga, ango atie iekite kame nan atie iye noni, doko kisa mere buta likame oko bedo me nono. Pien ango atio kitek kalamo joor icegun dedede, bed bala likame ango en kame oudo atimo, do kisa ka Rubanga kame tie keda en kame oudo timo.

1 Jokorinti 3:5

Kara Apolo do en ngai? Paulo en ngai? Wan obedo jotic ka Rubanga, jo kame otelo wu yei Yesu Kirisito iekite kame Rwot opoko ne kede ngat acelacel.

1 Jokorinti 4:7

Kara ngai komii ibedo pat kede jo icegun? Nyo kame in itie kede kalikame komii amia? Aso ka komii amia, pinyo komio iwakere bala oudo likame ebedo giamia?

Jogalatia 1:1

Baluwa kowok kibut Paulo ngaor, kame or mere likame owok kibut jo amoto obeo kibut dano moro, do ngat kame or mere owok kibut Yesu Kirisito kede kibut Rubanga Papa, ngat koyaruno en kikom jo oto.

Joepeso 1:1

Baluwa kowok kibut Paulo, ngat kame Rubanga olwongo i mit mere pi bedo ngaor ka Kirisito Yesu. But jokacil kame tie Epeso, kame genere i Kirisito Yesu.

1 Temeseo 2:7

Kop noni en komio oudo koyera pi bedo ngatuc ejiri kede ngaor, ngapwony me jo kalikame Iyudayan i yei kede i ateni (ango atie yamo kop me ateni, likame atie ngalo).

Yakobo 1:17

Gi dedede abeco kame komio wa, kede giamia dedede kopoore, wok ki malo kibut Papa won lero, ngat kalikame tie kede alokaloka arabo colo moro kame timere pi lokere mere.