Yokana 3:23 - Baibuli I Leb Kumam 2013

²³ Yokana da oudo tie batiso jo i adul me Aenon, i nget Salim, pien oudo pii tie tot kuno. Oudo bin jo bino kuno di oko batiso gi,

Yokana 3:23 Iomraidhean Croise

Ageini 33:18

Kakame oudo etie dwogo kede ki Mesopotamia, Yakobo oko tuno kede mulem i bomba me Sekem i lobo me Kanan, di en eko guro eema mere i nyim bomba.

Yeremia 51:13

Wun jo kame ibedunu i nget icileta atot atota, di ibarunu, ajikini wu otieko tuno, kotieko coto atima me kuo wu.

Esekeri 19:10

Toto ni oudo cal bala yat olok kame kopito i nget pii. Pien oudo kopite kakame pii romo kiber, omio eko janyo di eko nyak.

Esekeri 43:2

Ki kanono ako neno rieny me deyo ka Rwot di tie bino ki bad tetu kide. Mor mere oudo winyere bala mor me twon pii, di wi lobo lung oko rieny kede deyo mere.

Luka 3:7

Di do en eko waco ne ikodeta me jo kame oudo obino bute pi udo batisimu be, “Wun idwe me twole! Ngai kokwenyaro wu pi ringo tenge ki lilo ka Rubanga kame tie bino?

Yokana 3:22

Ingei man, Yesu kede josiao mege oko ot i piny me Yudea, di en eko dong kede gi kuno di ebatiso jo.

Yokana 3:24

pien oudo pwodi likame koketo Yokana i otkol.

Gianyuta 1:15

Tiene oudo meny bala nyonyo burons kame kocalaro oko jililo, di oko rudo, kede dwane oudo mor winyere bala mor me pii atot kame mol di ony.

Gianyuta 14:2

Ango di ako winyo dwan moro kame wok ki malo, kame mor bala pii atot kame mol di ony, kede bala mwoc atek me kot. Dwan kame ango awinyo nono oudo cal bala me adungu kame jogoc tie gono.

Gianyuta 19:6

Di ako winyo gikame oudo winyere bala dwan jo atot, bala mor me pii atot kame mol di ony, kede bala mor me kot, di waco be, “Aleluya! Pien Rwot Rubanga wa Won Twer tie i loc.

1 Samuel 9:4

Gin kiko beo i piny kobedo imukuran imukuran me Epuraimu kede i lobo me Salisa, do likame kiko udo gi. Doko kiko beo i lobo me Salim, do likame kiko udo gi. Di kiko beo i lobo ka Benjamin, do likame kiko udo gi.