Yokana 3:21 - Baibuli I Leb Kumam 2013

²¹ Do ngat kame timo gi me ateni bino i lero, tetekeny enyutere kakaler be tice mege obedo tice me woro Rubanga.”

Yokana 3:21 Iomraidhean Croise

Sabuli 119:105

Kop nin en etala kame menyo kakame tiena lubo, doko en lero kame menyo yongayo nango.

Sabuli 119:80

Mia alub iswilia nin kede cunya lung, tetekeny kur mi lewic maka.

Isaya 26:12

Rwot, in ibino kelo ne wa anapakin, pien i ateteni, gi dedede kame wan otieko timo in en itimo ne wa.

Isaya 8:20

pi udo kope kede pwony kibut gi?” Ateteni jo kame yamo kamanoni likame bino kuo tuno neno lero.

Kosea 14:8

Jo me Isirael, bedunu li kede kop moro amakere kede caljwogi. Ango abino winyo ilega wu di ako gwoko wu. Abino bedo ne wu bala tipo me yat Saipuras kalikame pote mege ony; bero dedede kame wun itienu kede wok kibuta.”

Yokana 1:47

Yesu oko neno Natanael di tie bino bute, en eko waco kop i kome be, “Ateteni man en dano me Isirael kame li kede angalo.”

Yokana 3:20

Pien ngat acelacel kame timo gikarac dagi lero, doko likame ebino i lero, tetekeny tice mege kur ngere.

Yokana 5:39

Wun imounu gikame tie i iwandik kacil, pien iparunu be ibinunu udo kuo kame bedo nakanaka ki yi gi, do di gin nogo en kame kimio kop kame jurao ango.

Yokana 7:17

Ka ngatamoro tie kede mit me timo gikame Rubanga mito, ebino ngeno ka pwony na owok kibut Rubanga arabo ka ango atie yamo i akarunikin nango kena.

1 Jokorinti 15:10

Do pi kisa ka Rubanga, ango atie iekite kame nan atie iye noni, doko kisa mere buta likame oko bedo me nono. Pien ango atio kitek kalamo joor icegun dedede, bed bala likame ango en kame oudo atimo, do kisa ka Rubanga kame tie keda en kame oudo timo.

2 Jokorinti 1:12

Gikame wan owakere iye en ine be, ngec me cuny wa juro be, epone me kuo wan i piny kan, kede twatwal mere epone kame wan otie bedo kede wu, tie i yore me lero kede ateni kame wok kibut Rubanga, likame kede rieko me lobo kan, do kede kisa ka Rubanga.

Jogalatia 6:8

Pien ngat kame cuo i kome, gikame ekao ki kome en to; do ngat kame cuo i Tipo, gikame ekao ki Tipo en kuo kame bedo nakanaka.

Joepeso 5:9

Pien anyakini me lero tie i gi dedede kame ber, kopoore, kede me ateni.

Jopilipi 1:11

di kuo wu opong kede anyakini me kuo kopoore, kame wok kibut Yesu Kirisito, pi mino Rubanga deyo kede pi pake.

Jopilipi 2:13

pien Rubanga tie tic kibutu, pi mino wu bedo tie kede mit kede teko me tic pi yomo cunye.

Jokolosai 1:29

Man en komio ango atio di acane kede teko dedede kame Kirisito mia.

Iburanian 13:21

Ango akwao Rubanga won mulem emi wu gi dedede kame beco, tetekeny itimunu gikame en emito. Akwae emi wa timo gikame yomo cunye, pi Yesu Kirisito, ngat kame deyo bed bute ikar kede ikar. Amen.

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Yokana 1:6

Aso ka wan owacunu be wan onywakunu kede en, do di otienu i colo udo ongalunu, doko udo likame otienu timo gi me ateni.

3 Yokana 1:11

Ngawota kame amaro, kur ilub timo gikarac do lub timo gikaber. Ngat kame timo gikaber obedo dano ka Rubanga, do ngat kame timo gikarac likame pwodi oneno Rubanga.

Gianyuta 3:15

Ango angeo tice wu; wun likame ibedunu jo angic amoto aliet. Oudo cunya mito be koto ibedunu jo angic amoto aliet!