Yokana 3:2 - Baibuli I Leb Kumam 2013

² Icuo noni bin obino but Yesu iwor di eko waco ne be, “Rabi, wan ongeo be in ngapwony kame owok kibut Rubanga, pien likame tie dano moro kame twero timo gianena kame in itimo gi, kwanyo kame di Rubanga tie kede en.”

Yokana 3:2 Iomraidhean Croise

1 Abakai 17:24

Dako nono oko dwoko ne be, “Nan atieko ngeno be in ibedo dano ka Rubanga, doko da kop kame Rwot waco i dogi obedo kop me ateni.”

Isaya 51:7

“Winyunu kop na, wun jo kame ingeunu gikame poore, wun jo kame pwony na tie i cunyu; kur ibedunu kede lworo ka jo cao wu, doko kur cunyu poti ka gin kiyeto wu.

Yeremia 38:16

Aso, Abaka Esedekia oko kwongere buta i mung be, “Ango alairo i nying Rwot kakuo, ngat komio wan kuo be, ango likame abino neki arabo mini i cing cuo nogi kame mito neki.”

Matayo 22:16

Gin kiko cwano josiao gin, karacel kede jo me ekodet ka Erode pi ot but Yesu kede peny kame waco be, “Apwony, wan ongeo be in itie dano me ateni, doko in ipwonyo jo i yongayo ka Rubanga i ateni. In likame ilworo ngatamoro, pien in likame ineno dano kede cal mere me ooko.

Matayo 23:7

Kimito be di jo moto gi kede wor i atalen kede di kolwongo gi be ‘Apwony.’

Matayo 23:8

Do likame poore lwongo ngatamoro kikom wu be ‘Apwony’, pien wun dedede itienu imiegu, doko itienu kede ngapwony acel kenekene.

Marako 12:14

Kiko bino but Yesu di kiko waco ne be, “Apwony, wan ongeo be in dano me ateni. Doko in likame ilworo ngatamoro, pien in likame ineno dano kede cal mere me ooko, do in ipwonyo jo yongayo ka Rubanga i ateni. Benyo, Iswil yei ne jo culo esolo but Kaisari arabo li? Ocul gi arabo li?”

Yokana 1:38

Yesu oko lokere di eko neno gi di kitie lube, en eko penyo gi be, “Imounu nyo?” Gin kiko dwoko ne be, “Rabi” (kame dwong mere be ngapwony), “In ibedo tuai?”

Yokana 10:38

Do ka atimo gi, akadi bed bala idagunu yei ango, yeunu do tice nogo, tetekeny ingeunu di ikounu niang be Papa tie i ango, doko ada atie i en.”

Yokana 12:37

Bed bala Yesu oudo otimo gianena atot i nyim gi, do likame gin kiko yei en;

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 15:24

Koto oudo likame ango atimo i diere gi tice kalikame tie ngatamoro kotimo, koto oudo ki li kede dub; do nan kitieko neno gikame ango atimo, doko kiko daga karacel kede Papa na.

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 20:16

Yesu oko lwonge be, “Maria!” Di Maria oko lokere oko waco ne kede leb Eburania be, “Raboni!” (Man dwong mere be Apwony).

Yokana 3:26

Gin kiko bino but Yokana di kiko waco ne be, “Apwony, ngat kame oudo in itie kede loka tetuca me Yorodan, kame in bin imio ijura i kome nono, en ine etie batiso jo; doko jo dedede tie ot bute.”

Yokana 4:31

Iesawa nono da, josiao oudo tie ngangao Yesu di kiwaco ne be, “Apwony, cami.”

Yokana 5:36

Do kop me ijura kame ango atie kede pire tek kalamo me ka Yokana; pien tice kame Papa omia pi timo, tice nogo en kame nataman atie timo, gin en kame kijurao ango be Papa en kame oora.

Yokana 6:2

Ekodet adwong me jo oko lube, pien oudo gin kineno gianena kame en etimo ne jo kame oudo tuwo.

Yokana 7:31

Do jo atot i ekodet oko yei en di kiwaco be, “Kame Kirisito obino, iparunu be ebino timo gianena kame kalamo kame icuo ni otimo?”

Yokana 9:16

Iparisayon mogo oko waco be, “Icuo ni likame owok kibut Rubanga, pien likame eworo Iswil me Sabato.” Do jo mogo oko waco be, “Ngat kame tie ngadubo karuno timo epone me gianena gi benyo benyo?” Tam gi oko popokun.

Tice 10:38

epone kame Rubanga bin oyero kede Yesu me Nasaret, di eko mine Tipo Kacil kede twer, kede da epone kame en eko ririmo kede piny di etimo bero ne jo, doko da di ecango jo dedede kame bin Sitani otweo, pien Rubanga oudo tie kede en.

Tice 2:22

“Wun jo me Isirael, winyunu kope gi: Yesu me Nasaret en icuo kame Rubanga bin oyero, di eko nyuto ne wu i tice me twer, kede i gi me isuur, kede i gianena kame Rubanga bin otimo kibute i diere wu, bala kite kame wuda ingeunu kede.

Jopilipi 1:14

Omio imiegu kede amiegu atot obedo kede gen i kom Rwot pi kite kame otwea kede i otkol, di kitie kede nwangcuny adwong pi pwonyo kop ka Rubanga abongo lworo.

Jongolkop 6:27

Aso, Egidioni bin oko kwanyo jotic mege tomon, di eko timo bala kame Rwot oudo owaco ne. Do piento en bin eko bedo kede lworo atek but jo me ot ka papa mere kede jo me bomba, manono oko mino en etime iwor.