Yokana 3:17 - Baibuli I Leb Kumam 2013

¹⁷ Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 3:17 Iomraidhean Croise

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Matayo 1:23

“Neni, nyako kame pwodi likame ngeo icuo bino yac di en eko nywalo atin awobi, di oko bino cako nyinge Emanuel,” kame dwong mere be, “Rubanga tie karacel kede wa.”

Matayo 18:10

“Miero inenunu be likame icaunu acel kikom jo atino gi, pien awaco ne wu be, imalaikan gin tie nakanaka i nyim Papa na kame tie i malo.

Matayo 18:11

(Pien Wot ka dano obino pi lako jo korwenyo.)

Luka 19:10

Pien Wot ka dano obino pi mono kede pi lako jo korwenyo.”

Luka 9:56

Di do Yesu karacel kede josiao mege oko ot i calo apat.

Yokana 1:29

Oru mere, Yokana oko neno Yesu di tie bino tetu bute, di eko waco be, “Nenunu Katin Romo ka Rubanga kame kwanyo dub me piny!

Yokana 10:36

benyo, itwerunu waco ne ngat kame Rubanga opoko tenge di eko ooro i piny be, ‘In itie cano Rubanga,’ be pien ango awaco be, ‘Ango Wot ka Rubanga?’

Yokana 11:42

Ango oudo angeo be in nakanaka iwinya, do ango atie yamo man pi jo kame nan tie cungo kan gi, tetekeny gin kiyei be in en kame iora.”

Yokana 17:18

Bala kite kame in iora kede bino i piny, kamanono ada aoro gi ot i piny.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:23

ango i gin, kede in i ango, me wek kibed jo acel atwal atwala, tetekeny piny ngei be in en kame iora, doko in imaro gi bala kite kame imara kede.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 20:21

Yesu bobo oko medo waco ne gi be, “Mulem bed butu. Bala kite kame Papa na oora kede, kamanono ada aoro wu.”

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Yokana 5:36

Do kop me ijura kame ango atie kede pire tek kalamo me ka Yokana; pien tice kame Papa omia pi timo, tice nogo en kame nataman atie timo, gin en kame kijurao ango be Papa en kame oora.

Yokana 5:38

Doko likame kop mere odong i cunyu, pien likame iyeunu ngat kame en eoro.

Yokana 5:45

Kur iparunu be ango abino pido wu but Papa; Musa en kame pido wu, en ngat kame wun iketunu gen wu i kome.

Yokana 6:29

Yesu oko dwoko ne gi be, “Tic ka Rubanga en ine be, wun miero iyeunu ngat kame en eoro.”

Yokana 6:38

Pien ango abino ki malo, likame pi timo gikame ango amito, do pi timo gikame ngat kame oora mito.

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

Yokana 6:57

Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Yokana 7:29

Ango angee, pien awok kibute, doko en kame eora.”

Yokana 8:11

Dako nono oko dwoko be, “Rwot, likame tie.” Yesu oko waco ne be, “Akadi ada likame abino ngolo ni kop; oti, do kur bobo itim dub.”

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

1 Yokana 2:2

En ebedo giayala kame kwanyo dub wa, do likame dub wan kenekene, do da dub me jo dedede.

1 Yokana 4:14

Wan otiekunu neno, doko omiunu ijura be Papa otieko cwano Wode bala Ngalak me piny.