Yokana 3:15 - Baibuli I Leb Kumam 2013

¹⁵ tetekeny ngat kame yei en ud kuo kame bedo nakanaka.

Yokana 3:15 Iomraidhean Croise

Isaya 11:10

Kare tie bino kame abaka kowok ki ekeko ka Yese bino cungo kede bala imendera ne atekerin apat. Gin kibino penyo tam kibute, di kabedo mere ko bino bedo kede deyo.

Isaya 45:22

“Lokerenu buta di ako lako wu, wun jo dedede me wi lobo! Ango en Rubanga, doko likame tie moro ace.

Wel 21:9

Aso, Musa oko timo twol kede nyonyo buronsi, di eko cibe i wi epir. Ka twol oudo otongo ngatamoro, ngat nono oudo ngio twol kame kotimo kede nyonyo buronsi nono di eko kuo.

Matayo 18:10

“Miero inenunu be likame icaunu acel kikom jo atino gi, pien awaco ne wu be, imalaikan gin tie nakanaka i nyim Papa na kame tie i malo.

Matayo 25:46

Di do gin kiko bino ot i alola me nakanaka, do jo kopoore ko bino ot i kuo kame bedo nakanaka.”

Marako 16:16

Ngat kame yei di oko batiso en, ebino udo alako, do ngat kalikame yei kobino ngolo kop loe.

Luka 19:10

Pien Wot ka dano obino pi mono kede pi lako jo korwenyo.”

Yokana 1:12

Do jo dedede kame bin ogame, di oko yei nyinge, en bin emio gi twer me doko idwe ka Rubanga,

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 20:31

Do kowandiko magi tetekeny iyeunu be Yesu en Kirisito, Wot ka Rubanga, kede da be wek iudunu kuo i nyinge pi yei kame itienu kede i kome.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Yokana 3:36

Ngat kame yei Wod tie kede kuo kame bedo nakanaka; ngat kalikame yei Wod likame ebino udo kuo, do lilo ka Rubanga bino poto i kome.”

Yokana 5:24

“Ateteni, ateteni awaco ne wu be, ngat kame winyo kop na di eko yei ngat kame oora, etie kede kuo kame bedo nakanaka; likame kobino ngolo ne kop, do etieko yai ki to etuno i kuo

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

Yokana 6:47

Ateteni, ateteni awaco ne wu be, ngat kame yei tie kede kuo kame bedo nakanaka.

Tice 13:41

“‘Nenunu ber, wun jo kame cao kop ka Rubanga! Urunu ikounu to! Pien gikame ango atie timo i kare wu, obedo gi kalikame ibinunu yei, akadi di ngatamoro oniango wu iye.’ ”

Tice 8:36

Di bin gin kitie pwodi ot, kiko tuno i pii moro, di ebwocit nono oko waco ne Pilipo be, “Neningo, pii ine kan, nyo kara do kame genga udo batisimu?”

Joroma 5:21

Etie kamano tetekeny bala kame dub obedo kede loc di ebeo ki to, wek kisa da bed kede loc di ebeo ki poore, di eko kelo kuo kame bedo nakanaka pi Rwot wa Yesu Kirisito.

1 Jokorinti 1:18

Pien kop me to ka Kirisito i kom musalaba tie gi me mingo but jo kame tie rwenyo, do ne wan jo kame kotie lako wa, etie twer ka Rubanga.

2 Jokorinti 4:3

Doko akadi ka ejiri kame wan otuco oumere, en eumere ne jo kame tie rwenyo atwal.

Jogalatia 2:16

Do wan ongeunu be dano likame bedo ngat kopoore i nyim Rubanga be pien etimo gikame Iswil mito, do ebedo ngat kopoore i nyim Rubanga ka etie kede yei i kom Yesu Kirisito. Akadi wada oyeunu Kirisito Yesu tetekeny obedunu jo kopoore i nyim Rubanga pi yei wa i kom Kirisito, do weko pi timo gikame Iswil mito. Pien timo gikame Iswil mito likame mio dano moro bedo ngat kopoore i nyim Rubanga.

Jogalatia 2:20

omio likame doko ango en kame pwodi akuo, do Kirisito en kame kuo i ango. Doko kuo kame nan ango atie kede, akuo pien atie kede yei i kom Wot ka Rubanga, ngat kame omara di eko jalo kuo mere pira.

Iburanian 10:39

Wan likame obedunu jo kame dok cen di kiko rwenyo atwal, do wan obedunu jo kame kotieko lako pi yei.

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

1 Yokana 2:25

Gikame en ecikere pi mino wa en kuo kame bedo nakanaka.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.