Yokana 3:14 - Baibuli I Leb Kumam 2013

¹⁴ “Bala kite kame bin Musa okiarao kede twol i tim, kobino kiarao Wot ka dano da malo kamanono,

Yokana 3:14 Iomraidhean Croise

2 Abakai 18:4

En ekwanyo kabedere kame oudo koworo iye rubangan, emumuko ipirin me kide, di eko tongo ereto piny cal me rubanga adako kame oudo kolwongo be Asera. En bin eko tuturo cal me twol kame bin Musa otimo kede nyonyo buronsi, kame bin kocako ne nyinge be Nekusutan. Pien tuno i kare nono jo me Isirael oudo obedo mino giayala me odok angwe kur but twol nono.

Sabuli 22:16

Jo olukaro ango bala igwogin; ekodet me jo atimo tim areco oluka diere, ineno bala kimito nyinyilo cinga kede tiena.

Isaya 11:10

Kare tie bino kame abaka kowok ki ekeko ka Yese bino cungo kede bala imendera ne atekerin apat. Gin kibino penyo tam kibute, di kabedo mere ko bino bedo kede deyo.

Matayo 26:54

Do ka atimo kamano, iwandik kacil kame waco be miero etimere kamanoni bino cobere kakare benyo?”

Matayo 8:20

Yesu oko waco ne be, “Ekwee tie kede bur me buto, kede winy da tie kede ude gi, do Wot ka dano likame tie kede kakame epielo iye wie.”

Luka 24:20

Do jodongo me josaseredoti kede jopug wa oko mine i cing wegi apugan me wek ngol ne kop me to, di do kiko gure i kom musalaba.

Yokana 18:32

(Man otimere pi mino kop kame Yesu oudo owaco cobere kakare, pi nyuto epone kame eyaro to kede.)

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Yokana 8:28

Di do Yesu oko waco ne gi be, “Ka itiekunu kiarao Wot ka dano i kom musalaba, ibinunu ngeno be ango inononi, kede be likame ango atimo gimoro i akarunikin nango kena, do ayamo gikame Papa opwonya iye.

Tice 2:23

Yesu noni, ngat kame bin komio i akarunikin wu di lubere kede ngec ka Rubanga kede iik mere, bin wun ikounu mine i cing jodubo kame oko gure i kom musalaba di kiko neke.