Yokana 3:11 - Baibuli I Leb Kumam 2013

¹¹ Ateteni, ateteni awaco ni be, wan oyamo kop i kom gikame ongeo, kede gikame oneno; do in idagi yei ijura kame wan omio.

Yokana 3:11 Iomraidhean Croise

Isaya 50:2

“Pinyo bo komio i kare kame bin ango ako bino kede likame audo ngatamoro? Pinyo komio likame tie ngatamoro kogamo doga kakame alwongere kede? Benyo, iparunu be ango agoro likame akaruno lako wu? Arabo iparunu be ango ali kede twer me lako wu? Ango atwero ciko nam di eko tuo, doko ango atwero loko icileta doko wi tim, di aporogon gin ko to pi li me pii di kiko top.

Isaya 53:1

“Ngai kotieko yei kop kame wan otatamo? Doko ngai en kotieko neno twer ka Rwot i gi noni?

Isaya 55:4

Nenunu, ango bin akete pi bedo ngatel kede ngapug me atekerin; en oudo ebedo mujura na but gi.

Isaya 65:2

Ango abedo tango cinga piny yuluyul but jojemo, pi kwano gi be kidwog buta, gin jo kame kilubo yongayo kalikame ber di kilubo iik gin ken gi.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 23:37

“Okwe in Yerusalem, Yerusalem, in bomba kame neko inabin doko ididipo jo kame Rubanga ooro buti! Tien atot ango oudo amito be koto acoko idwe ni karacel bala kite kame gweno rukumo kede imion mege i bwome, do in iko dagi na!

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 1:11

En oudo ebino ture kikokome, do jo mege likame oko game.

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 12:49

Pien likame ango ayamo man kede wia kena, do Papa ngat kame oora en kociko na, di emia gikame poore atatamo kede gikame poore awaci.

Yokana 14:24

Ngat kalikame mara, udo likame elubo kope na; doko kope kame wun iwinyunu go likame gin mega, do gin kiwok kibut Papa ngat kame oora.

Yokana 3:12

Ka awaco ni kop i kom gi me piny di iko dagi yei, ikaruno do yei benyo ka ayamo ni kop i kom jame me malo?

Yokana 3:13

Likame tie ngatamoro kotieko ot malo, kwanyo kenekene ngat koyai ki malo bino piny, en Wot ka dano.

Yokana 3:3

Yesu oko dwoko ne be, “Ateteni, ateteni ango awaco ni be, likame tie ngat kame twero neno Ajakanut ka Rubanga, kwanyo ka konywale tien me are.”

Yokana 3:5

Yesu oko dwoko be, “Ateteni, ateteni awaco ni be, likame tie ngat kame twero donyo i Ajakanut ka Rubanga kwanyo di konywale nywal me pii kede me Tipo Kacil.

Yokana 5:43

Ango nan abino i nying Papa na di ikounu dagi gama; do ka ngatamoro obino i akarunikin mere kene, ibinunu game.

Yokana 7:16

Yesu oko dwoko ne gi be, “Pwony na likame mega kikoma, do me ka ngat kame oora.

Yokana 8:14

Yesu oko dwoko be, “Akadi bed bala ango ajurere kena, do ijura na tie kop me ateni, pien ango angeo kakame ango awok kiye kede kakame atie ot iye. Do wun likame ingeunu kakame ango awok kiye arabo kakame atie ot iye.

Yokana 8:26

Atie kede kope atot me ayama i komu, kede gi atot kame apoore waco ne wu raco iye; do ngat kame oora tie kede ateni, doko ango atie waco ne jo me piny gikame ango awinyo kibute.”

Yokana 8:38

Ango awaco ne wu gikame aneno kibut Papa na, do wun itimunu gikame iwinyunu kibut papa wu.”

Tice 22:18

Aneno Rwot di waco na be, ‘Susunyo yai tenge ki Yerusalem, pien jogi likame oyaro yei kop kame in itie yamo i koma.’

2 Jokorinti 4:4

Gin jo kalikame kiyei Kirisito, pien rubanga me piny kan otieko umo tam gi tetekeny kur kinen lero kame wok kiye ejiri me deyo ka Kirisito, ngat kame cal acala kede Rubanga.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 3:14

“Wandiko but malaika me ekodet me jokirisito kame tie Laodikia be: “Magi en kop kowok kibut Amen, mujura me ateni kame genere, ngat kame gi dedede kame Rubanga ocweo ocakere kibute.