Yokana 21:7 - Baibuli I Leb Kumam 2013

⁷ Ngasiao kame Yesu maro nono oko waco ne Petero be, “Rwot kom inonono!” Kakame Simoni Petero owinyo kede be Rwot inonono, en eko ngapo igoen mege pien oudo egonyo gi pi tic, di eko somo edonyo i yi pii.

Yokana 21:7 Iomraidhean Croise

Sabuli 118:23

Man Rwot en kotimo; i wang wa en etie gi me aura.

Wer amit 8:7

Pii likame karuno neko mac me amara, alele da likame mwonye. Ka dano otamo wilo amara kede abar me ode dedede, ebino udo acae atwal atwala.

Marako 11:3

Ka ngatamoro openyo wu be, ‘Pinyo komio itienu timo kamano?’, wacenu be, ‘Rwot en kame mite, doko da eyaro mino kodwoke susunyo.’ ”

Luka 12:35

“Bedunu di itiekunu iikere pi tic, doko di italan wu tie liel,

Luka 2:11

pien tin konywalo ne wu Ngalak i Bomba ka Daudi, en Kirisito Rwot.

Luka 7:47

En komio nan ango awaco ni be, dub mege kame oudo tot kotieko sasiro, en komio etie kede amara adwong. Do ngat kame kosasiro dub mege kame oudo nonok, tie da kede amara atitidi.”

Yokana 13:23

Ngat acel kikom josiao, kame Yesu oudo bin singo maro, oudo tie gongere di iyapiyapi kede kor Yesu;

Yokana 19:26

Kakame Yesu oneno kede toto mere karacel kede ngasiao kame bin en emaro nono di kitie cungo i ngete, en eko waco ne toto mere be, “Neni, wodi ino!”

Yokana 20:2

Di do en eko ringo eoto but Simoni Petero gini kede ngasiao ocelu kame bin Yesu maro nono, di eko waco ne gi be, “Kikwanyo kom Rwot tenge ki ates, likame ongeo kakame kikete iye.”

Yokana 20:20

Ingei waco kamano, en eko nyuto ne gi cinge kede ngete. Di do cuny josiao oko bedo yom kakame kineno kede Rwot.

Yokana 20:28

Tomasi oko dwoko ne be, “In Rwot na kede Rubanga na!”

Yokana 21:20

Petero oko lokere di eko neno ngasiao kame Yesu oudo maro nono di tie lubo gi, en ngat kame oudo ogongere di iyapiyapi kede kor Yesu i kacam me otieno, en ngat kame oko penyo Yesu be, “Rwot, ngai inonono kame bino rupao in?”

Yokana 21:24

Ngasiao noni en kame nan tie mino ijura i kom gi nogi, doko en kame ewandiko gi nogi. Wan ongeo be ijura kame emio tie me ateni.

Yokana 21:8

Do josiao icegun ka oko bino i dog nam kede yee, di kitie wano bwoi kame opong kede deknam, pien likame oudo kitie kakabor kede dog nam, do oudo kitie kakame boro mere romo bala tien tol acel.

Tice 10:36

Wun ingeunu kop kame riki en ecwao ne jo me Isirael, en Kop Aber me mulem, kame bin Yesu Kirisito, ngat kame obedo Rwot kame lo jo dedede en kokelo.

Tice 2:36

“Pi mano, jo dedede me Isirael poore ngei ateteni be, Yesu noni, kame wun bin igurunu i musalaba, Rubanga otieko mine edoko Rwot kede Kirisito.”

1 Jokorinti 15:47

Dano me agege owok ki lobo, otime kede apua; dano me are owok ki malo.

2 Jokorinti 5:14

Amara ka Kirisito but wa telo wa, pien wan otieko niang kiber be dano acel bin oto pi jo dedede; pi mano, jo dedede otieko to.

Yakobo 2:1

Imiegu kede amiegu na, bala kame itiekunu yei kede Rwot wa Yesu Kirisito, en Rwot me deyo, kur doko ibedunu kede apokapoka moro but jo.