Yokana 21:23 - Baibuli I Leb Kumam 2013

²³ Kop noni oko sarakin obukui but imiegu be ngasiao noni likame bino to, do di oudo likame kowaco ne be likame ebino to; do Yesu oudo owaco be, “Ka mit nango tie be edong di ekuo tuno ango dwogo, nyo kame tie loli iye?”

Yokana 21:23 Iomraidhean Croise

Yobu 28:28

“En di eko waco ne dano be, ‘Ateteni lworo Rwot en rieko; doko pokere kede gikareco en niang.’ ”

Yobu 33:13

Pinyo kamio in ipiemo kede, di iwaco be, ‘En likame edwoko kope kame ango apenyo’?

Danieri 4:35

Kibute jo dedede me wi lobo obedo gimoro li; imalaikan dedede me malo kede jo me wi lobo dedede tie i twer mere. Likame tie ngatamoro kame twero gengo mit mere, arabo penye gikame etie timo.

Matayo 16:27

Pien Wot ka dano oyaro bino kede imalaikan mege di etie i deyo ka Papa mere, di en eko bino culo ngat acelacel pi gikame etimo.

Tice 1:15

I ceng nogo, Petero oko cungo i nyim ekodet me jokirisito, kame oudo ocokere, wel gi oudo romo tol acel kede ot are; en eko waco ne gi be,

Tice 28:14

Ki kuno, oko udo jo koyei Kirisito, di gin kiko kwano wa be ber obed kede gi pi sabiti acel. Wan di do oko tuno Roma.

Tice 6:3

Pi mano, imiegu i Kirisito, wun yerunu kikom wu cuo kanyaare kame tie kede nying aber, kame opong kede Tipo Kacil kede rieko, kame wan otwero mino timo tic noni.

1 Jokorinti 11:26

Pien i kare dedede kame icamunu kede mugati noni kede di imatunu kiye ikopo noni, udo itienu tuco kop me to ka Rwot tuno en dwogo.

1 Jokorinti 4:5

Pi mano, kur ingolunu kop ne ngatamoro di pwodi likame kare otuno, di pwodi Rwot likame odwogo. En ebino woto i lero gikame nan kokano i colo, doko ebino mino iik kame tie i cuny jo ngere. Di do dano acelacel ko bino udo pwoc kibut Rubanga.

Iswilia 29:29

“Tie gimogo kame Rwot Rubanga wa omungo; do en enyuto Iswilia mege but wan kede ikwae wa, pi lubo kope mege i kare lung.”

Yakobo 5:7

Imiegu kede amiegu na kame amaro, direnu tuno i dwogo ka Rwot. Nenunu epone kame ngapur daro kede kodi mere kame epito i lobo, kodi kame cunye maro. En edire tuno kede di kot me agege kede kot me cen ocwei iye.

Gianyuta 2:25

kenekene makunu kitek gikame itienu kede, tuno ango bino.