Yokana 21:22 - Baibuli I Leb Kumam 2013

²² Yesu oko waco ne be, “Ka mit nango tie be edong di ekuo tuno ango dwogo, nyo kame tie loli iye? In luba!”

Yokana 21:22 Iomraidhean Croise

Matayo 16:24

Yesu oko waco ne josiao mege be, “Ka ngatamoro mito luba, ber kong edagere kene di en eko riongo musalaba mere eko luba.

Matayo 24:27

Pien bino me Wot ka dano bino bedo cal bala kot kame meny cako ki tetu kide tuno tetu potoceng.

Matayo 24:3

Kakame Yesu oudo tie bedo kede i wi moru me Olibeti, josiao oko lwidar ot bute, di kiko penye be, “Wac ne wa, awene en kame gini bino timere kede, doko da gianena nyo kame bino nyuto dwogo nin, kede ajikini me piny?”

Matayo 24:44

Pi mano, wuda bedunu di itiekunu iikere, pien Wot ka dano bino ngoole dwogo iesawa kame wun likame ingeunu.

Matayo 25:31

“I kare kame Wot ka dano bino dwogo kede di etie i deyo mere karacel kede imalaikan dedede, en ebino bedo i kom mere me deyo.

Matayo 8:22

Do Yesu oko waco ne be, “In luba, wek jo oto en kame yik joe gi oto.”

Marako 9:1

Di en eko waco ne gi be, “Ateteni awaco ne wu be, tie jo mogo kame nataman tie kan, kalikame bino bilo to tuno di kineno Ajakanut ka Rubanga obino kede twer.”

Yokana 21:19

(Yesu bin owaco man pi nyuto epone kame Petero oudo oyaro to kede di eko mino Rubanga deyo.) Ingei mano, en eko waco ne Petero be, “Luba.”

Yokana 21:21

Kakame Petero onene kede, en eko penyo Yesu be, “Rwot, do en kono?”

1 Jokorinti 11:26

Pien i kare dedede kame icamunu kede mugati noni kede di imatunu kiye ikopo noni, udo itienu tuco kop me to ka Rwot tuno en dwogo.

1 Jokorinti 4:5

Pi mano, kur ingolunu kop ne ngatamoro di pwodi likame kare otuno, di pwodi Rwot likame odwogo. En ebino woto i lero gikame nan kokano i colo, doko ebino mino iik kame tie i cuny jo ngere. Di do dano acelacel ko bino udo pwoc kibut Rubanga.

1 Jotesalonika 2:19

Pien nyo kara kame obedo gen wa, amoto kilel wa, arabo ocoro wa me angosibib kame obino wakere iye i nyim Rwot Yesu i ceng me dwogo mere? Mam wun igonogo?

Yakobo 5:7

Imiegu kede amiegu na kame amaro, direnu tuno i dwogo ka Rwot. Nenunu epone kame ngapur daro kede kodi mere kame epito i lobo, kodi kame cunye maro. En edire tuno kede di kot me agege kede kot me cen ocwei iye.

Yakobo 5:8

Wuda miero idirenu. Jingunu cunyu, pien dwogo ka Rwot odoko do iyapiyapi.

Gianyuta 1:7

Nenunu, en etie bino kede idoun! Wang jo dedede bino nene, kiton jo kame bin ocobe; jo dedede me wi lobo bino koko pire. Ebino bedo kamanoni! Amen.

Gianyuta 2:25

kenekene makunu kitek gikame itienu kede, tuno ango bino.

Gianyuta 22:20

Ngat kame omio ijura me gi nogi waco be, “Ateteni ango atie bino awakawaka.” Amen. Bia, Rwot Yesu!

Gianyuta 22:7

“Neningo, ango atie bino awakawaka! Etie kede winyo ngat kame lubo imurai kame tie i itabu noni.”

Gianyuta 3:11

Ango atie bino i kare kiyapiyapi; makunu kitek gikame itienu kede, tetekeny kur ngatamoro mai giamia me pwoc kame komio wu pien ilounu.