Yokana 21:19 - Baibuli I Leb Kumam 2013

¹⁹ (Yesu bin owaco man pi nyuto epone kame Petero oudo oyaro to kede di eko mino Rubanga deyo.) Ingei mano, en eko waco ne Petero be, “Luba.”

Yokana 21:19 Iomraidhean Croise

Wel 14:24

Do pi kite kame ngatic na Kaleb tie kede cuny apat, doko da ebedo lubo kop na kede cunye dedede, ango abino tere tuno i lobo kame bin en eoto begao nono, di ikwae mege ko bino donyo bedo iye edoko mergi.

Matayo 10:38

Doko ngat kalikame riongo musalaba mere di eko donyo luba, udo likame epoore pi bedo mera.

Matayo 19:28

Yesu oko waco ne gi be, “Ateteni awaco ne wu be, i kare kame Wot ka dano bino bedo kede i kom mere me deyo i piny kanyen, wun jo kame ibedunu luba i ibinunu bedo i kabedo me pug tomon kiwie are pi pugo atekerin tomon kiwie are me Isirael.

Matayo 8:22

Do Yesu oko waco ne be, “In luba, wek jo oto en kame yik joe gi oto.”

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 12:33

En eyamo kaman pi nyuto epone kame oudo eyaro to kede.

Yokana 18:32

(Man otimere pi mino kop kame Yesu oudo owaco cobere kakare, pi nyuto epone kame eyaro to kede.)

Yokana 21:18

Ateteni, ateteni awaco ni be, di oudo bin pwodi in atin awobi, oudo in itweo rakoba nin keni di iko ot kakame in imito. Do ka iti, ibino rieno badi malo di ngat apat en kame ko tweno ni rakoba, di en eko teri kakame likame in oudo imito ot iye.”

Yokana 21:22

Yesu oko waco ne be, “Ka mit nango tie be edong di ekuo tuno ango dwogo, nyo kame tie loli iye? In luba!”

Jopilipi 1:20

Ki mit kede gen na, likame lewic bino maka atwal, do nataman kede tekcuny adwong koma bino mino Kirisito wor bala lem nakanaka, akadi bed bala akuo amoto ato.

2 Petero 1:14

pien ango angeo be kare me to na do oyapuno tuno bala kame Rwot wa Yesu Kirisito otieko mina ngeno kede.

1 Samuel 12:20

Samuel oko dwoko be, “Kur ibedunu kede lworo; wun itiekunu timo raco noni, do kur iwekunu lubo Rwot, do tiunu ne kede cunyu lung.