Yokana 21:18 - Baibuli I Leb Kumam 2013

¹⁸ Ateteni, ateteni awaco ni be, di oudo bin pwodi in atin awobi, oudo in itweo rakoba nin keni di iko ot kakame in imito. Do ka iti, ibino rieno badi malo di ngat apat en kame ko tweno ni rakoba, di en eko teri kakame likame in oudo imito ot iye.”

Yokana 21:18 Iomraidhean Croise

Luka 12:37

Kitie kede winyo jotic kame ngadwong gi bino dwogo di eko udo gi di kineeno; ateteni awaco ne wu be, en ebino dolo egoe mere etweo i piere di eko mino gi kibedo piny kacam, di eko poko ne gi cam.

Yokana 13:36

Simoni Petero oko penye be, “Rwot, in itie ot tuai?” Yesu oko dwoko ne be, “Kakame ango atie ot iye in likame itwero luba iye nan, do ibino luba i cen mere.”

Yokana 21:17

Yesu bobo oko penye tien me adek be, “Simoni wot ka Yokana, in imara?” Petero likame oko bedo kede yomcuny, pien Yesu openye tien me adek be, “In imara?” En eko dwoko ne Yesu be, “Rwot, in ingeo gi dedede; in ingeo be ango amari.” Yesu oko waco ne be, “Pit romini na.

Yokana 21:19

(Yesu bin owaco man pi nyuto epone kame Petero oudo oyaro to kede di eko mino Rubanga deyo.) Ingei mano, en eko waco ne Petero be, “Luba.”

Tice 21:11

En eko bino but wa, di eko kwanyo ausi kame bin Paulo tweo kede egoe i piere, eko tweno kede cing Paulo kede tiene, di eko waco be, “Tipo Kacil owaco be, ‘Epone noni en kame Iyudayan me Yerusalem bino tweno kede won ausi noni, di kiko mine i cing jo kalikame Iyudayan.’ ”

2 Jokorinti 5:4

Pien di pwodi otienu i kima noni, wan ocurunu kede par; likame pien omitunu gonyo kom wa me lobo kan tenge, do pi wan omitunu be med ngapo ne wa kabedo me malo, tetekeny kom wa kame to lokere dok kalikame to.