Yokana 21:17 - Baibuli I Leb Kumam 2013

¹⁷ Yesu bobo oko penye tien me adek be, “Simoni wot ka Yokana, in imara?” Petero likame oko bedo kede yomcuny, pien Yesu openye tien me adek be, “In imara?” En eko dwoko ne Yesu be, “Rwot, in ingeo gi dedede; in ingeo be ango amari.” Yesu oko waco ne be, “Pit romini na.

Yokana 21:17 Iomraidhean Croise

2 Samuel 7:20

Nyo bobo kame ango akaruno waco ni? Pien in ingeo ngatic ni, Okwe Rwot Rubanga!

1 Abakai 17:18

Di dako nono oko waco ne Elia be, “Dano ka Rubanga, pinyo komio itimo na kaman? In ibino kan pi pono wi Rubanga i kom dub na, kede pi kelo ne woda to.”

1 Iyutun 17:18

Nyo bobo kame ango akaruno waco ni pi wor kame in imia ango ngatic ni? Pien in ingea ango ngatic ni kiber, Okwe Rwot Rubanga!

1 Iyutun 29:17

Ango angeo, Okwe Rubanga na, be in ingeo cuny jo dedede, doko in cunyi yom pi jo kame ekite gi opoore. Ango pi mit me cunya atieko mini jamini nogi dedede kede cuny me ateni, doko nataman atieko neno di jo ni kame tie kan, mio jamini gi buti kede kilel abongo gung moro.

Sabuli 17:3

Ka ingingico cunya, ka iwelao ango iwor, ka itama, likame ibino udo tim areco i kuo na; doga likame yamo kope areco,

Yeremia 17:10

Ango Rwot angingico tam me dano, doko atamo cuny dano; ako mino ngat acelacel gikame poore ne di lubere kede ekite me kuo mere, kede di lubere kede gikame etimo.”

Koko ka Yeremia 3:33

Rwot likame cunye yom pi mino jo neno can.

Matayo 25:40

Di Abaka ko bino dwoko ne gi be, ‘Ateteni awaco ne wu be, bala kite kame bin itimunu kede kamanoni ne ngat acel kalikame pire dwong kikom imiegu kede amiegu na gi, udo bin itimunu nango.’

Marako 14:72

Cucuto di do tongweno me are kok. Petero oko yutuno kop kame Yesu oudo owaco ne be, “Di pwodi tongweno me are likame okok, in ibino daga tien adek.” Gino oko cobo cunye di en eko donyo koko.

Yokana 12:8

Wun itienu kede jocan nakanaka, do ango likame abino bedo kede wu nakanaka.”

Yokana 13:38

Yesu oko penye be, “In ibino jalo kuo ni pira? Ateteni, ateteni awaco ni be, di pwodi likame tongweno okok, udo in itieko daga tien adek.”

Yokana 14:15

“Ka imaranu, ibinunu gwoko cik na.

Yokana 15:10

Ka igwokunu cik na, ibinunu dong i amara na, bala kite kame ada agwoko kede cik ka Papa na di ako dong i amara mere.

Yokana 16:30

Wan nan ongeo be in do ingeo gi dedede, doko likame emitere ne ngatamoro pi penyi, man mio wan oyei be in iwok kibut Rubanga.”

Yokana 18:27

Petero oko bobo dagi; cucuto di do tongweno oko kok.

Yokana 18:4

Yesu oudo ngeo gi dedede kame bino timere i kome, omio en eko wokun anyim di eko penyo gi be, “Imounu ngai?”

Yokana 21:18

Ateteni, ateteni awaco ni be, di oudo bin pwodi in atin awobi, oudo in itweo rakoba nin keni di iko ot kakame in imito. Do ka iti, ibino rieno badi malo di ngat apat en kame ko tweno ni rakoba, di en eko teri kakame likame in oudo imito ot iye.”

Yokana 4:16

Yesu oko dwoko ne be, “Ot ilwong cwari, ibinunu kede kan.”

Tice 1:24

Joor oko lego di kiwaco be, “Rwot, in en kame ingeo cuny jo dedede; nyut ne wa kikom jo are gi ngat kame in iyero

Tice 11:10

Man otimere tien adek, di bobo oko dwoko ginogo dedede malo.

Tice 15:8

Rubanga ngat kame ngeo cuny jo bin oko mino ijura mere i kom gi, di emio gi Tipo Kacil bala kite kame bin emio kede wada.

2 Jokorinti 1:12

Gikame wan owakere iye en ine be, ngec me cuny wa juro be, epone me kuo wan i piny kan, kede twatwal mere epone kame wan otie bedo kede wu, tie i yore me lero kede ateni kame wok kibut Rubanga, likame kede rieko me lobo kan, do kede kisa ka Rubanga.

Joepeso 4:30

Kur imiunu Tipo Kacil ka Rubanga ud wangcuny; piento en nono kame ebedo alama kame moko be ceng me alako wu bino tuno.

Yosua 22:22

“Won Twer en Rubanga! En ebedo Rwot! Won Twer en Rubanga! En ebedo Rwot! En engeo kop komio wan otimo gi noni, doko wan omito jo me Isirael da ngei! Ka wan oudo otimo kamanono pi jemo arabo pi turo isikan wa but Rwot, kur iwekunu wa omeede bedo kuo.

1 Petero 1:6

Lelunu pi manoni, akadi bed bala nan itienu neno can me atama apapat pi kare moro acecek.

2 Petero 3:1

Jo na kame amaro, man nan do en baluwa me are kame atie wandiko butu. I baluwan nogi dedede, ango abedo tamakino supo cunyu di apoo wi wu be,

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.

Gianyuta 3:19

Ango abunano jo kame amaro, doko abitaro gi; pi mano, miero iketunu cunyu di ikounu swilaro.