Yokana 21:15 - Baibuli I Leb Kumam 2013

¹⁵ Ingei gin tieko cam me odiko, Yesu oko penyo Simoni Petero be, “Simoni wot ka Yokana, in imara kalamo jo icegun gi?” Simoni oko dwoko be, “Ebo Rwot; in ingeo be ango amari.” Yesu oko waco ne be, “Pit idwe me romini na.”

Yokana 21:15 Iomraidhean Croise

Ageini 33:13

Do Yakobo oko waco ne be, “Adwong na, in ingeo be idwe pwodi nep, doko miero apar pi romini kede dok kame doto idwe; ka akolo gi tetek pi ceng acel gin dedede kibino totoun.

2 Samuel 7:20

Nyo bobo kame ango akaruno waco ni? Pien in ingeo ngatic ni, Okwe Rwot Rubanga!

2 Abakai 20:3

“Okwe Rwot, ango akwai iyutuno epone kame ango abedo timo kede tic nin kede cunya lung kede genere, doko abedo timo gikame poore i wangi.” Esekia oko kok adikinicel.

Isaya 40:11

En ebino gwoko romini mege bala ngakwat; en ebino coko idwe me romini karacel di eko tingo gi i kore; en ebino telo toti gi kede mwolo.

Yeremia 23:4

Ango abino keto negi jokwat kame bino gwoko gi di likame bobo kiko bedo kede lworo amoto mielkom; doko da likame tie moro kame bino rwenyo; ango Rwot en awaco.”

Yeremia 3:15

“Ango abino mino wu jotel kame cunya oyero; gin kibino telo wu kede rieko kede ngec.

Esekeri 34:23

Ango abino mino gi abaka acal bala ngatic na Daudi, di en eko bino donyo gwoko gi; en ebino donyo gwoko gi di eko bedo ngakwat gi.

Esekeri 46:24

En eko waco na be, “Mago en pimbiron kakame jotic me tempulo tedo kiye giayala me jo.”

Matayo 10:37

“Ngat kame maro toto mere arabo papa mere kalamo ango, udo likame epoore pi bedo mera. Doko ngat kame maro wode arabo nyare kalamo ango, udo likame epoore bedo mera.

Matayo 16:17

Yesu oko dwoko ne be, “Simoni wot ka Yokana, in itie kede winyo! Pien likame dano adana en kame omi ingeo kop noni, do Papa na kame tie malo.

Matayo 18:10

“Miero inenunu be likame icaunu acel kikom jo atino gi, pien awaco ne wu be, imalaikan gin tie nakanaka i nyim Papa na kame tie i malo.

Matayo 26:33

Petero oko waco ne be, “Akadi bed bala jogi dedede weki, do ango likame abino weki.”

Matayo 26:35

Petero oko dwoko ne Yesu be, “Ango likame ayaro weki, akadi di komito neka kedi.” Josiao apat da dedede oko waco kop acel nono.

Marako 14:29

Petero oko dwoko ne be, “Akadi jogi dedede weki, do ango likame abino weki.”

Luka 12:32

“Kur ibedunu kede lworo, in ekodet atitidi, pien Papa wu tie kede yomcuny pi mino wu Ajakanut.

Luka 22:32

Do ango atieko lego nin be kur yei ni poti; doko kame ilokere idwogo buta, poore inen be isupo cuny imiegu ni.”

Yokana 1:42

En eko tere but Yesu. Yesu oko nene di oko waco ne be, “In en Simoni wot ka Yokana. Kobino donyo lwongi do be Kepa” (kame dwong mere be Petero).

Yokana 13:37

Petero oko penye be, “Rwot, pinyo komio ango likame atwero lubi nan? Ango abino jalo kuo na piri!”

Yokana 16:27

pien Papa kikome maro wu gire, en emaro wu pien wun imaranu, doko iyeunu da be ango awok kibut Papa.

Yokana 21:12

Yesu oko waco ne gi be, “Bianu ocamunu.” Do likame tie ngasiao moro kame oko bedo kede nwangcuny me penye be, “In ngai!” Gin oudo kingeo be Rwot inonono.

Yokana 21:7

Ngasiao kame Yesu maro nono oko waco ne Petero be, “Rwot kom inonono!” Kakame Simoni Petero owinyo kede be Rwot inonono, en eko ngapo igoen mege pien oudo egonyo gi pi tic, di eko somo edonyo i yi pii.

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Tice 20:29

Ango angeo be ingei ango yai, ipeon ager oyaro bino i diere wu, gin likame kibino weko aweka romini ka Rubanga.

Joroma 14:1

Gamunu dano kame yei mere goro, do likame pi piem kede en i kom tam mere.

Joroma 15:1

Wan jo kame yei wa tek opoorenu kanyakino popoto me jo kame yei gi goro, di likame otimo gikame yomo cuny wa kenwa.

1 Jokorinti 8:11

Aso, ngec nin ko bino dubo dano kame yei mere goro, ngakirisito wadu kame Kirisito oto pire.

Jogalatia 5:6

Pien i Kirisito Yesu, akepo arabo bedo abongo akepo likame timo gimoro, do gikame pire tek en yei kame tio di ebeo i amara.

Joepeso 4:14

Pi mano, kur doko wan obedunu idwe kame buko me yamo me pwony dedede wiro wi wa tetuni kede tetuca, pi kite kame jo ngolo ne wa kede rieko, kede pi diru gi me angalo.

Joepeso 6:24

Kisa ka Rubanga bed but jo dedede kame amara gi i kom Rwot wa Yesu Kirisito likame jik.

Iburanian 13:20

Nan ango akwao Rubanga won mulem, ngat kame bin oyaruno Rwot wa Yesu ki to, en etie Ngakwat Adwong me romini pi remo mere kame moko isikan kame bedo nakanaka.

Iburanian 4:13

Doko likame tie giacwea moro kame okanere ki nyim Rubanga, do en eneno gi dedede di tie ilererei i nyime. En nono en kame miero wan dedede onyut tice wa i nyime.

1 Petero 1:8

Wun imarenu akadi bed bala likame itiekunu nene, doko iyeunu en akadi bed bala nan likame inenenu. Pi mano, itienu kede kilel kalikame wacere, kilel me deyo.

1 Petero 2:2

Bala atin mukeru kame pwodi konywalo anywala, bedunu kede imue me cak kame Tipo mio, me wek emi wu idongunu ikounu udo alako,

1 Petero 2:25

Pien oudo wun iparaonu tenge bala romini, do nan itiekunu dwogo but ngakwat, en ngat kame egwoko cunyu.

1 Yokana 4:19

Wan otienu kede amara pien Rubanga en kogeo maro wa.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.