Yokana 21:12 - Baibuli I Leb Kumam 2013

¹² Yesu oko waco ne gi be, “Bianu ocamunu.” Do likame tie ngasiao moro kame oko bedo kede nwangcuny me penye be, “In ngai!” Gin oudo kingeo be Rwot inonono.

Yokana 21:12 Iomraidhean Croise

Matayo 22:46

Di do likame tie ngatamoro kame oko karuno dwoko ne kop moro, doko da cako ceng nono likame tie ngatamoro oko dino cunye penye kop moro bobo.

Marako 9:32

Do gin likame kiko niang kop mere nono, doko oudo kilworo penye.

Luka 9:45

Do josiao mege likame oko niang kop noni; pien oudo kokano dwong mere kibut gi tetekeny kur kingei; doko da lworo oudo omako gi penyo Yesu kop noni.

Yokana 16:19

Yesu oudo ngeo be gin kimito penye, omio en eko penyo gi be, “Mam itienu penyere kenu kenu pi dwong me gikame oudo ango awaco be, ‘Odong kare acecek di likame ikounu bino nena, doko ikounu bino nena ingei kare acecek’?

Yokana 21:11

Simoni Petero oko donyo i yi yee di eko wano bwoi kame deknam adongo oudo opong iye nono ooko i dog nam. Wel me dek nam kame tie iye oudo romo tol acel kede ot kany kiwie adek. Bed bala deknam oudo tot, do bwoi likame oko nyil.

Yokana 21:15

Ingei gin tieko cam me odiko, Yesu oko penyo Simoni Petero be, “Simoni wot ka Yokana, in imara kalamo jo icegun gi?” Simoni oko dwoko be, “Ebo Rwot; in ingeo be ango amari.” Yesu oko waco ne be, “Pit idwe me romini na.”

Yokana 4:27

Esawa nono josiao ka Yesu oko tuno. Gin kiko uro pien Yesu oudo tie yamo kede dako, do likame tie da ngatamoro kame oko penyo dako nono be, “Imito nyo?” Arabo kame oko penyo Yesu be, “Pinyo komio itie yamo kede dako no?”

Tice 10:41

likame but jo dedede, do but wan jo kame Rubanga oudo otieko yero pi bedo ijurak, wan jo kame bin ocamo di okounu mato kede en ingei en yaruno kikom jo oto.