Yokana 20:27 - Baibuli I Leb Kumam 2013

²⁷ En eko waco ne Tomasi be, “Ket lweti kan, doko iko neno cinga; riei cingi iko keto i ngeta, kur ibed abongo yei, do bed ngat kame tie kede yei.”

Yokana 20:27 Iomraidhean Croise

Sabuli 78:38

Do akadi da, pi kisa mere en eko sasiro dub gi, likame eko muducaro gi. I kare atot en ebedo didio gero mere, likame eko jalakino lilo mere dedede.

Matayo 17:17

Yesu oko dwoko be, “Wun lwak koparao me i kare ni, kame li kede yei, miero abed kede wu pi kare kame rom amene? Apoore kanyakino kope wu tuno awene? Kelenu buta kan.”

Marako 9:19

Yesu oko waco ne gi be, “Wun lwak kame li kede yei, miero abed kede wu pi kare arom amene? Abino kanyakino kede wu tuno awene? Kelenu buta kan.”

Luka 24:39

Nenunu cinga kede tiena, ango inononi; mulanu ikounu bino ngeno; pien tipo likame tie kede ringokome kede cogo bala kite kame nan wun inenunu ango atie kede.”

Luka 24:40

Kakame etieko yamo kede kamano, en eko nyuto ne gi cinge kede tiene.

Luka 9:41

Yesu oko dwoko ne gi be, “Wun lwak koparao me i kare ni, jo kame li kede yei, miero abed kede wu pi kare kame rom amene di akanyakino kede wu?” En eko waco ne icuo nono be, “Kel wodi nono kan.”

Yokana 20:20

Ingei waco kamano, en eko nyuto ne gi cinge kede ngete. Di do cuny josiao oko bedo yom kakame kineno kede Rwot.

Yokana 20:25

Josiao apat oko waco ne be, “Wan oneno Rwot.” Do en eko waco ne gi be, “Likame abino yei tuno kede di aneno aporeso me sumalin i cinge, di ako keto iye lweta, doko di ako keto cinga i ngete.”

Yokana 20:28

Tomasi oko dwoko ne be, “In Rwot na kede Rubanga na!”

Joroma 5:20

Kokelo Iswil di dub oko meede; do kakame dub meede nyai iye, kisa ka Rubanga medo doko dwong iye kalamo.