Yokana 20:22 - Baibuli I Leb Kumam 2013

²² Di etieko waco kamano, en eko kuto wei mere i kom gi di ewaco ne gi be, “Gamunu Tipo Kacil.

Yokana 20:22 Iomraidhean Croise

Ageini 2:7

Di do Rubanga oko kwanyo apua me lobo eko cweno kede dano, eko kuto i ume wei kame mio kuo, di dano oko doko gikame kuo.

Yobu 33:4

Tipo ka Rubanga en kocwea, doko wei kame Rubanga Won Twer mio en kame mia kuo.

Sabuli 33:6

Rwot ocweo malo kede kop mere, doko ecweo gi dedede kame tie iye kede kop me doge.

Esekeri 37:9

Di Rubanga oko waco na be, “Murao; wac ne yamo me wei be ango Rwot Rubanga atie waco ne be: wok ki bad ongwon dedede, di iko kuto wei amio kuo i kom jo kame oudo koneko nogi, tetekeny kibed kuo bobo.”

Yokana 14:16

Ango abino kwano Papa, di en eko mino wu ngakony ace, kame bino bedo kede wu nakanaka.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:7

Bed bala kamano da, atie waco ne wu kop me ateni be, eber ne wu ka ango aoto; pien ka likame aoto, Ngakony likame oyaro bino butu, do ka ango aoto, abino cwane butu.

Yokana 20:21

Yesu bobo oko medo waco ne gi be, “Mulem bed butu. Bala kite kame Papa na oora kede, kamanono ada aoro wu.”

Yokana 20:23

Ka isasirunu ngatamoro ki dub mege, kobino sasiro en; ka idagunu sasiro ngatamoro ki dub mege, likame kobino sasiro en.”

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 10:47

Di do Petero oko waco be, “Ngai kame twero gengo jogi udo batisimu me pii, do di gida kitieko udo Tipo Kacil bala wan?”

Tice 19:2

di eko penyo gi be, “Bin ikounu pong kede Tipo Kacil i kare kame iyeunu kede Kirisito?” Gin kiko dwoko ne be, “Li, doko cako wan lem likame pwodi owinyo be Tipo Kacil tie da.”

Tice 2:38

Petero oko dwoko ne gi be, “Swilarunu di oko batiso ngat acelacel kikom wu i nying Yesu Kirisito, di Rubanga ko bino sasiro wu ki dub wu, di ikounu bino udo giamia me Tipo Kacil.

Tice 2:4

Gin dedede kiko pong kede Tipo Kacil, di kiko cako yamo i leb kanyen, bala kame Tipo nono oudo mio gi kede.

Tice 4:8

Kikano Petero oko pong kede Tipo Kacil, di eko waco ne gi be, “Wun wegi apugan karacel kede joadongo me piny,

Tice 8:15

Petero gini oko ot di kiko lego ne gi tetekeny kiud Tipo Kacil,

Jogalatia 3:2

Wek apenyu kaman kenekene be: bin iudunu Tipo pien oudo itimunu gikame Iswil mito arabo pien iwinyunu ejiri di ikounu yei?