Yokana 20:17 - Baibuli I Leb Kumam 2013

¹⁷ Yesu oko waco ne be, “Kur imaka, pien pwodi likame aoto malo but Papa; do ot but imiegu na iko waco ne gi be ango atie ot malo but Papa na, en Papa wu da; but Rubanga na, en Rubanga wu da.”

Yokana 20:17 Iomraidhean Croise

2 Abakai 4:29

Elisa oko waco ne Gekasi be, “Iikere iko mako ebela na i cingi iko ot. Ka iriamo kede ngatamoro kur imote, doko ka ngatamoro omoti kur igami. Kame ituno kunono rii ebela nono i nyim awobi nono.”

2 Abakai 7:9

Gin kiko donyo yamo ken gi ken gi be, “Gikame wan otienu timo obedo gikame rac. Tin wan otienu kede rwonge aber. Ka wan olingunu alinga kede kop noni tuno diki odiko, kobino tero be wan obedunu jo areco. Pi manono, ootunu oterunu kop noni i paco ka Abaka.”

Sabuli 22:22

Ango abino sarakino nyingi but imiegu kede amiegu na; abino paki i diere me jo kocokere wori.

Sabuli 43:4

Di do ango ako bino ot i alutari ka Rubanga, but Rubanga ngat kame yomo cunya kalamo; di ango ako bino paki di agoo adungu, Okwe Rubanga, Rubanga na.

Sabuli 48:14

“Rubanga noni en Rubanga wa pi ikar kede ikar; ebino telo wa nakanaka.”

Sabuli 68:18

En eko ot malo i wi moru abor nono, di etero jo atot kame emako ki yi; en egamo giamia kibut jo, akadi kiton kibut jo kame dagi ne Rwot Rubanga bedo kuno.

Sabuli 89:26

En ebino koko buta be, ‘In en ibedo papa na, Rubanga na kede lela kame laka.’

Isaya 41:10

Kur ibedunu kede lworo, pien ango atie kede wu, kur ibedunu kede lworo moro, pien ango en Rubanga wu; ango abino mino wu teko, abino konyo wu, ango abino gwoko wu di ako lako wu kede twer na.

Yeremia 31:33

Isikan kanyen kame ango abino timo kede jo me Isirael ka kare nono otuno bino bedo kaman: ango abino keto iswil na i tam gi, doko ako wandiko gi i cuny gi. Ango abino bedo Rubanga gi, di gida kiko bedo jo na.

Yeremia 32:38

Gin kibino bedo jo na di ada ako bedo Rubanga gin.

Esekeri 36:28

Di do ikounu bino donyo bedo i lobo kame oudo ango bin amio joakwari wu; di wun ikounu bino bedo jo na, di ango ako bedo Rubanga wu.

Esekeri 37:27

Ango abino bedo kunono kede gin; ango abino bedo Rubanga gi di gin kiko bedo jo na.

Matayo 12:50

Pien ngat kame timo gikame Papa na kame tie i malo mito, en kobedo omina, amina kede toto na.”

Matayo 25:40

Di Abaka ko bino dwoko ne gi be, ‘Ateteni awaco ne wu be, bala kite kame bin itimunu kede kamanoni ne ngat acel kalikame pire dwong kikom imiegu kede amiegu na gi, udo bin itimunu nango.’

Matayo 28:7

Aso, otunu awakawaka iwacunu ne josiao mege be, en etieko yaruno kikom jo oto, en do etieko cako ot ne wu Galilaya; ibinunu nene ki kuno. Gikame ango awaco ne wu en ino.”

Marako 12:26

Aso, do i kom kop kame mako yaruno jo oto, mam itiekunu somo kiye itabu ka Musa kop i kom abum, epone kame Rubanga owaco ne kede be, ‘Ango en Rubanga ka Aburaam, Rubanga ka Isaka kede Rubanga ka Yakobo’?

Marako 16:19

Di do bin Yesu Kirisito otieko yamo kede josiao mege, oko do tere malo di en eko bedo i bad tetu cam ka Rubanga.

Luka 10:4

Kur imakunu isau moro me sente, akadi ikapu moro, amotoko amuka; doko kur imotunu ngatamoro i yongayo.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 13:3

Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 14:2

I ot ka Papa na, tie iye agolai atot; ka koto di oudo likame kamanono, koto likame awaco ne wu be atie ot iiko ne wu kabedo.

Yokana 14:28

Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 16:28

Ango bin awok kibut Papa di ako bino i piny; nan bobo atie weko piny di ako dok but Papa.”

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:5

Papa, nan mia deyo i nyimi; epone me deyo kame bin atie kede i nyimi di pwodi likame kocweo piny.

Yokana 20:27

En eko waco ne Tomasi be, “Ket lweti kan, doko iko neno cinga; riei cingi iko keto i ngeta, kur ibed abongo yei, do bed ngat kame tie kede yei.”

Yokana 7:33

Yesu oko waco be, “Abino medo bedo kede wu pi kare moro acecek, di do ako ot but ngat kame oora.

Joroma 8:29

Pien Rubanga oudo ogeo moko sek pi loko doko cal kede Wode jo kame en oudo egeo ngeno, tetekeny Wode bed kao kikom imiegu atot.

2 Jokorinti 6:18

Ango abino bedo Papa wu, di wun ikounu bino bedo awobe kede anyira na, man Rwot won Twer en kowaco.”

Jogalatia 3:26

Pien i Kirisito Yesu, wun dedede itienu idwe ka Rubanga pi yei.

Iburanian 11:16

Do bala kame etie kede, gin oudo kimito piny kame ber kalamo, manono en me i malo. Pi mano, likame lewic mako Rubanga kame kolwonge be en Rubanga gi, piento en etieko iiko ne gi bomba.

Iburanian 8:10

Rwot owaco be, isikan kame ango abino timo kede jo me Isirael i kare kame bino bino en ine: Ango abino keto iswilia na i tam gi kede ako wandiko gi i cuny gi, di ango ako bino bedo Rubanga gi, kede gida kiko bino bedo jo na.

1 Petero 1:3

Opwounu Rubanga Papa me Rwot wa Yesu Kirisito. Pi kisa mere kadwong, en emio konywalo wa i kuo kanyen me gen kakuo, pi iyarun ka Yesu Kirisito kikom jo oto,

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

Gianyuta 21:3

Di ako winyo dwan amalo di eyamo ki kom me ajakanut be, “Neningo, paco ka Rubanga tie i diere me jo. En ebino bedo kede gi di gin kiko bino bedo jo mege. Rubanga kikome bino bedo kede gi.

Gianyuta 21:7

Jo kame bino lono bino udo gi nogi, di ango ako bino bedo Rubanga gi kede gida kiko bino bedo idwe na.