Yokana 2:6 - Baibuli I Leb Kumam 2013

⁶ Aso, agune kanyape kame kotimo kede engaro oudo tie cungo kuno di lubere kede itok me lonyere me Iyudayan. Agulu acelacel oudo tero galanin ot are arabo ot adek me pii.

Yokana 2:6 Iomraidhean Croise

Luka 16:6

En eko dwoko be, ‘Galanin tol acel me mo.’ Di ngagwok oko waco ne be, ‘Kwany itabu ni me banya, di iko bedo piny awakawaka, iko wandiko be ot kany kenekene.’

Yokana 2:7

Yesu oko waco ne gi be, “Pongunu agune go kede pii.” Gin kiko pongo gi lubulub.

Yokana 3:25

Piem oko gere i dierediere me josiao ka Yokana kede Ngayudaya acel i kom kop kame mako lonyere.

Joepeso 5:26

En etimo man tetekeny emie edok gikacil pi kop mere, ingei lwoke i pii kame lonye,

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Iburanian 6:2

i kom kop kame mako batisimu, dokakino bad, iyarun me jo oto kede ngolo kop kame bedo nakanaka.

Iburanian 9:10

pien gin kimako kop i kom cam kede giamata, kede itok apapat me lonyere. Magi obedo iswilia kame makere kede kom, kame tie tic paka tuno i kare kame Rubanga bino timo kede alokaloka anyen.

Iburanian 9:19

Pien bin kakame Musa otieko waco ne kede jo dedede cik me Iswil, en bin eko kwanyo remo me itobai kede me diegi, kede pii kede ausi akwar me yer kede yat kame cal bala emompir, di eko kikiro remo nono i kom itabu me Iswil kede i kom jo dedede,