Yokana 2:24 - Baibuli I Leb Kumam 2013

²⁴ Do Yesu likame oko keto gen mere i kom gi,

Yokana 2:24 Iomraidhean Croise

1 Abakai 8:39

tim ber iwiny kwac gi i malo kabedo ni. Sasiro gi di iko konyo gi. Tim negi gikame poore kede yote me kuo gi, gikame in ingeo kame tie i cuny gi, pien in keni en kame ingeo gikame tie i cuny dano acelacel.

1 Iyutun 28:9

“Aso in woda Sulumani, poore in ingei Rubanga ka papa ni, di iko timo ne tic kede cunyi lung kede tam aber. Pien Rwot ngeo tam me jo dedede doko engeo iik gi kede par gi dedede. Ka in imoe, ibino ude; do ka in ilokere tenge ki bute, en ebino jali atwal.

1 Iyutun 29:17

Ango angeo, Okwe Rubanga na, be in ingeo cuny jo dedede, doko in cunyi yom pi jo kame ekite gi opoore. Ango pi mit me cunya atieko mini jamini nogi dedede kede cuny me ateni, doko nataman atieko neno di jo ni kame tie kan, mio jamini gi buti kede kilel abongo gung moro.

Yeremia 17:9

“Ngai kame karuno niang cuny dano? En ebedo gikame tie kede angalo kalamo gi dedede; ebedo gikame otapar.

Matayo 9:4

Do Yesu oko ngeno gikame gin oudo kitie paro, en eko waco ne gi be, “Pinyo komio ibedunu kede par areco i cunyu?

Marako 2:8

Cucuto Yesu oko ngeno i cunye be gin oudo kitie penyere i cuny gi ken gi ken gi i kom kop noni. En eko penyo gi be, “Pinyo komio itienu kede peny acal kamago i cunyu?

Yokana 1:42

En eko tere but Yesu. Yesu oko nene di oko waco ne be, “In en Simoni wot ka Yokana. Kobino donyo lwongi do be Kepa” (kame dwong mere be Petero).

Yokana 16:30

Wan nan ongeo be in do ingeo gi dedede, doko likame emitere ne ngatamoro pi penyi, man mio wan oyei be in iwok kibut Rubanga.”

Yokana 21:17

Yesu bobo oko penye tien me adek be, “Simoni wot ka Yokana, in imara?” Petero likame oko bedo kede yomcuny, pien Yesu openye tien me adek be, “In imara?” En eko dwoko ne Yesu be, “Rwot, in ingeo gi dedede; in ingeo be ango amari.” Yesu oko waco ne be, “Pit romini na.

Yokana 4:16

Yesu oko dwoko ne be, “Ot ilwong cwari, ibinunu kede kan.”

Yokana 5:42

Do angeo be cunyu likame tie kede amara i kom Rubanga.

Yokana 6:15

Di Yesu ongeo be oudo kiyapuno bino make tetek pi mine doko abaka, en bobo eko yai eoto tenge i moru en kene.

Yokana 6:64

Do tie jo mogo ki komu kalikame yei.” Pien Yesu oudo ngeo cako ki agege jo kalikame yei kede da ngat kame oudo oyaro rupao en.

Tice 1:24

Joor oko lego di kiwaco be, “Rwot, in en kame ingeo cuny jo dedede; nyut ne wa kikom jo are gi ngat kame in iyero

Tice 15:8

Rubanga ngat kame ngeo cuny jo bin oko mino ijura mere i kom gi, di emio gi Tipo Kacil bala kite kame bin emio kede wada.

Iswilia 31:21

Pi tim gi nono, ka peko adongodongo oko poto negi, wer noni bino bedo bala ijura apido gi, pien wi ikwae gi likame bino wil iye. Pien ango nan angeo cuto gikame tam gi bino lengere timo, akadi di pwodi likame atero gi i lobo kame bin ango acikere di akwongere pi mino gi.”

Iburanian 4:13

Doko likame tie giacwea moro kame okanere ki nyim Rubanga, do en eneno gi dedede di tie ilererei i nyime. En nono en kame miero wan dedede onyut tice wa i nyime.

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.

1 Samuel 16:7

Do Rwot oko waco ne Samuel be, “Kur inen kite kame ecil kede arabo boro mere, pien ango atieko dage; pien likame ango aneno bala kame jo neno kede, gin kineno kom dano ooko, do ango aneno cunye.”