Yokana 2:23 - Baibuli I Leb Kumam 2013

²³ I kare kame bin Yesu tie kede Yerusalem i Ebaga me Kalamo, jo atot oko yei en kakame kineno kede gianena kame en etimo.

Yokana 2:23 Iomraidhean Croise

Luka 8:13

Kodi kopopoto i lobo kame obedo lela lela cungo pi jo kame ka kiwinyo kop ka Rubanga, kigamo kede kilel; do kop nono likame ko keto aliasin i kuo gi, mio gi kiyei pi kare acecek, do kame atama moro obino, kiko poto ki yei gi.

Yokana 11:45

Iyudayan atot kame oudo obino kede Maria oko neno gikame Yesu oudo otimo, di do kiko yei en.

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 2:13

Ebaga me Kalamo me Iyudayan oudo onoko, di Yesu oko ot paka Yerusalem.

Yokana 3:2

Icuo noni bin obino but Yesu iwor di eko waco ne be, “Rabi, wan ongeo be in ngapwony kame owok kibut Rubanga, pien likame tie dano moro kame twero timo gianena kame in itimo gi, kwanyo kame di Rubanga tie kede en.”

Yokana 4:45

Pi mano, kakame Yesu obino kede Galilaya, Jogalilaya oko game, pien gin kineno gi dedede kame oudo Yesu otimo ki Yerusalem i kare me ebaga, pien gida oudo kioto i ebaga nono.

Yokana 5:36

Do kop me ijura kame ango atie kede pire tek kalamo me ka Yokana; pien tice kame Papa omia pi timo, tice nogo en kame nataman atie timo, gin en kame kijurao ango be Papa en kame oora.

Yokana 6:14

Kakame jo oneno kede gianena kame Yesu otimo, gin kiko waco be, “Ateteni man en enabi kame oudo poore bino i piny!”

Yokana 6:2

Ekodet adwong me jo oko lube, pien oudo gin kineno gianena kame en etimo ne jo kame oudo tuwo.

Yokana 7:31

Do jo atot i ekodet oko yei en di kiwaco be, “Kame Kirisito obino, iparunu be ebino timo gianena kame kalamo kame icuo ni otimo?”

Jogalatia 5:6

Pien i Kirisito Yesu, akepo arabo bedo abongo akepo likame timo gimoro, do gikame pire tek en yei kame tio di ebeo i amara.

1 Yokana 3:23

Cik mere en ine be, wan poore oyeunu nying Wode Yesu Kirisito di okounu marere wan kenwa kenwa, bala kame en eciko wa kede.