Yokana 2:22 - Baibuli I Leb Kumam 2013

²² Pi mano, i kare kame koyaruno en kede kikom jo oto, josiao mege oko yutuno be oudo bin ewaco kop noni; kiko yei iwandik kacil kede kop kame oudo bin Yesu owaco.

Yokana 2:22 Iomraidhean Croise

Sabuli 16:10

Pien in likame ibino jala i kabedo me jo oto, arabo weko dano nin kame geni donyo i kabedo me jo oto.

Luka 24:26

Mam oudo poore Kirisito nen can nogi dedede, di do en eko donyo i deyo mere?”

Luka 24:44

Di do en eko waco ne gi be, “Magi en kope nango kame bin awaco ne wu i kare kame oudo pwodi atie kede wu be, gi dedede kame kowandiko i koma i itabu ka Musa kede me inabin kede i Sabuli miero cobere kakare.”

Yokana 12:16

Josiao mege bin likame oko niang dwong me gigi i agege; do i kare kame oko yaruno kede Yesu i deyo ka Rubanga, gin kiko yutuno be oudo kowandiko gi nogi be bino timere i kom en, doko da di jo oko timo ne.

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 16:4

Do ango atieko waco ne wu gi nogi, tetekeny kame esawa gin otuno, wek iyutununu gikame atieko waco ne wu i kom gi. “Likame oudo awaco ne wu gi nogi cako ki agege, pien oudo ango atie kede wu.

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 2:17

Josiao mege oko yutuno be oudo kowandiko be, “Nyeko na me amara pi odi liel i cunya bala mac.”

Yokana 2:2

Oudo kolwongo Yesu da karacel kede josiao mege i nyom nono.

Tice 11:16

Ango di do ako yutuno kop kame bin Rwot owaco be, ‘Yokana bin batiso jo kede pii, do wun kobino batiso wu kede Tipo Kacil.’

Tice 13:33

en nan etieko mino ocobere but wan ikwae gin, di eyaruno Yesu; bala kite kame kowandiko kede i Sabuli me are be, “‘In en Woda, tin ango adoko Papa ni.’