Yokana 2:16 - Baibuli I Leb Kumam 2013

¹⁶ En eko waco ne jo kame oudo cato amam be, “Terunu gigi tenge. Kur ilokunu ot ka Papa na dok atale.”

Yokana 2:16 Iomraidhean Croise

Yeremia 7:11

Benyo, mam wun iterunu be ot kame kolwongo kede nyinga noni otieko doko kapwono me jokuo? Ango da atie neno gikame wun itienu timo, ango Rwot en awaco.

Matayo 21:12

Yesu oko donyo i tempulo, di eko riamo jo dedede kame oudo tie cato kede wilo jame ooko. En eko rereto imesai me jo kame oudo seso sente, kede gibedo me jo kame oudo cato amam.

Matayo 21:13

En eko waco ne gi be, “Kowandiko i iwandik kacil be, ‘Kobino lwongo oda be ot me ilega’; do wun ilokenu edoko kapwono me joyak.”

Matayo 22:5

Do jo kame oudo kolwongo likame oko paro pi lwongo nono, di kiko ot tenge. Ngat acel ooto i poto mere, ocelu oko ot timo cat mere,

Marako 11:17

Di do en eko pwonyo gi be, “Mam kowandiko i iwandik kacil be, ‘Kobino lwongo oda be ot me ilega me atekerin dedede?’ Do wun itiekunu loke edoko kapwono me joyak!”

Luka 2:49

En eko dwoko ne gi be, “Pinyo komio wun oudo itienu mona? Mam oudo likame ingeunu be ango poore abed i ot ka Papa na?”

Yokana 10:29

Papa na ngat kame omio gi buta pire dwong kalamo jo dedede, doko likame tie ngat kame sobolo waraso gi ki cing Papa.

Yokana 2:15

En oko timo ebela me iyera, di eko riamo gi kede ooko dedede, karacel kede romini kede kiton doke da, di eko kikiro siringi me jo kame oudo seso sente, di erereto imesai gi.

Yokana 20:17

Yesu oko waco ne be, “Kur imaka, pien pwodi likame aoto malo but Papa; do ot but imiegu na iko waco ne gi be ango atie ot malo but Papa na, en Papa wu da; but Rubanga na, en Rubanga wu da.”

Yokana 5:17

Do Yesu oko dwoko ne gi be, “Papa na pwodi tie tic, ango da atie tic.”

Yokana 8:49

Yesu oko dwoko be, “Ango ali kede jwogi; ango aworo Papa na, do wun likame iworanu.

1 Temeseo 6:5

kede atwomutwomun arac i dier jo kame tam gi otieko dubere doko kili kede ateni. Gin kiparo be kop kame makere kede woro Rubanga obedo gikame kelo ud.

2 Petero 2:3

Pi eranga gi, gin kiyaro kwalo tam wu kede kope me angalo. Kop kame kongolo ne gi cako sek likame omungere, doko gikame bino dudubo gi da tie cuto.