Yokana 2:13 - Baibuli I Leb Kumam 2013

¹³ Ebaga me Kalamo me Iyudayan oudo onoko, di Yesu oko ot paka Yerusalem.

Yokana 2:13 Iomraidhean Croise

Nekemia 13:8

Ango bin ako doko ger twatwal di ako lwolwomo jamini ka Tobia dedede ooko.

Matayo 21:12

Yesu oko donyo i tempulo, di eko riamo jo dedede kame oudo tie cato kede wilo jame ooko. En eko rereto imesai me jo kame oudo seso sente, kede gibedo me jo kame oudo cato amam.

Marako 11:15

Kakame kituno kede Yerusalem, Yesu oko donyo i tempulo di eko cako riamo jo kame oudo tie cato kede wilo jame ooko; eko rereto imesai me jo kame oudo seso sente, kede gibedo me jo kame oudo cato amam.

Luka 19:45

Di Yesu oko donyo i tempulo, eko cako riamo jo kame bin oudo tie cat kuno ooko,

Luka 2:41

Mwaka acelacel jonywal ka Yesu oudo bedo ot Yerusalem i kare me ebaga me Bwot.

Yokana 11:55

Ceng me camo Ebaga me Kalamo oudo odoko do iyapiyapi, jo atot oudo oyai ki miere ooto Yerusalem pi lonyere di ebaga pwodi likame otuno.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 2:23

I kare kame bin Yesu tie kede Yerusalem i Ebaga me Kalamo, jo atot oko yei en kakame kineno kede gianena kame en etimo.

Yokana 5:1

Ingei man, ebaga me Iyudayan oko bedo, Yesu oko ot paka Yerusalem.

Yokana 6:4

Ebaga me Kalamo, kame obedo ebaga me Iyudayan, oudo onoko.

Iswilia 16:16

“Cuo dedede kame tie i diere wu poore ot tien adek buli mwaka, pi woro Rwot i kabedo kame en ebino yero. Poore kioti i kare magi: i kare me Ebaga me Kalamo, i kare me Ebaga me Kac, kede i kare me Ebaga me Kimere. Likame kibino ot i nyim Rwot kede cing gi nono;