Yokana 2:12 - Baibuli I Leb Kumam 2013

¹² Ingei man, Yesu oko ot Kaperanaum kede toto mere, kede imiegu kede amiegu mege, di kiko bedo kuno pi ceng mogo anonok.

Yokana 2:12 Iomraidhean Croise

Matayo 11:23

Aso, in Kaperanaum, iparo be kobino tingi malo? Kobino dwoki piny i kabedo me jo oto. Pien koto tice me twer kame kotimo i diere nin oudo kotimo Sodoma, oudo koto pwodi etie cungo tuno tin.

Matayo 12:46

Kakame Yesu oudo pwodi tie yamo kede jo, toto mere, kede imiegu mege oko cungo ooko, di oudo kimito yamo kede Yesu.

Matayo 4:13

En eweko Nasaret di eko kato ot bedo i Kaperanaum, bomba kame tie i dog nam me Galilaya, i adulion me Sebulun kede Naputali.

Marako 6:3

En mam ebedo ngapac, wot ka Maria, kede omin me Yakobo, Jose, Yuda kede Simoni? Mam amiegu mege da tie kede wa kan?” Di do cuny gi oko dage.

Yokana 2:2

Oudo kolwongo Yesu da karacel kede josiao mege i nyom nono.

Yokana 4:46

Aso, Yesu oko bobo dwogo Kana i Galilaya, kakame oudo eloko kiye pii oko doko bwini. Oudo tie ngatel moro kame oudo wode tuwo i Kaperanaum.

Yokana 6:17

kiko donyo i yi yee di kiko ngolo nam pi ot loka Kaperanaum. Piny oudo odoko col, do Yesu oudo pwodi likame obino but gi.

1 Jokorinti 9:5

Mam wan otie kede twero me upere kede mon wa koyei Kirisito, bala kame joor icegun kede imiegu ka Rwot kede Kepa timo?

Jogalatia 1:19

Do likame bobo ako neno ngaor moro ace, kwanyo kenekene Yakobo omin me Rwot.