Yokana 19:7 - Baibuli I Leb Kumam 2013

⁷ Iyudayan oko dwoko ne be, “Wan otie kede iswil wa, iswil nono yei be neke, pien emire be en Wot ka Rubanga.”

Yokana 19:7 Iomraidhean Croise

Isaya 53:4

“Ateteni en etieko ngirikino can wa, di eko yeno tuwo wa; do di wan oudo otamo be en etie neno can kame Rubanga omie.

Jolebi 24:16

Ngat kame yeto nyinga kobino neke; jo dedede bino didipo en kede kide. Ngakumbor arabo anywali me Isirael kame yeto nyinga kobino neke.

Marako 15:39

Kakame ngadwong me isirikalen me Roma, kame oudo tie cungo kuno i nyim musalaba oneno kede kite kame Yesu oto kede, en eko waco be, “Ateteni icuo ni oudo obedo Wot ka Rubanga!”

Yokana 19:8

Kakame Pilato owinyo kede kope go, lworo oko medo make.

Yokana 5:18

Man en gikame omio Iyudayan oko meede mono neke, pien likame eturo Iswil me Sabato kenekene, do doko da elwongo Rubanga be Papa mere kikokome, iepone noni en udo eporere kede Rubanga.

Tice 18:13

di kiwaco be, “Icuo ni tie loko tam me jo pi woro Rubanga, iepone kame iswil likame yei.”

Joroma 1:4

I kom kop kame mako en bedo dano kacil kowok kibut Rubanga, konyute kede twon twer be en Wot ka Rubanga pi yaruno mere ki to.

Iswilia 18:20

Do enabi moro kame bino yamo i nying rubangan apat, arabo kame bino cuko waco kop moro i nyinga do di udo likame ango acike iye, enabi nono bino to.’