Yokana 19:6 - Baibuli I Leb Kumam 2013

⁶ Kakame jodongo me josaseredoti kede isirikalen onene kede, gin kiko lelemo be, “Gure i kom musalaba, gure i kom musalaba!” Pilato oko waco ne gi be, “Terenu igurenu wun kikomu, pien ango gira likame audo raco moro i kome.”

Yokana 19:6 Iomraidhean Croise

Matayo 26:58

Do Petero oko donyo lubo Yesu ki cen kakabobor tuno kede i diakal me Ngatel Josaseredoti. En eko donyo bedo kede isirikalen kame daro paco pi neno kakame kop noni oudo bino jik iye.

Matayo 27:22

Pilato oko penyo gi be, “Nyo do kame poore atim ne Yesu kame kolwongo be Kirisito?” Gin dedede kiko dwoko be, “Wek gure i kom musalaba.”

Matayo 27:24

Kakame Pilato oneno kede be likame ekaruno bobo timo gimoro, doko jo tie mito cako doko ger, en eko kwanyo pii di eko lwoko kede cinge i nyim ekodet me jo di ewaco be, “Ango gira ali kede raco moro i kom onyo remo me dano ni! Kop no mako wun.”

Luka 23:4

Di do Pilato oko waco ne jodongo me josaseredoti karacel kede ekodet be, “Ango likame audo raco moro i kom icuo ni.”

Yokana 18:3

Di do Yuda oko tero ekodet me isirikalen kede jotic mogo adongodongo kuno, kame owok kibut jodongo me josaseredoti kede kibut Iparisayon. Gin kioto kunono di oudo kimako italan kede mac acal bala me rau kede jame me yi.

Yokana 18:31

Pilato oko waco ne gi be, “Wun terenu kikomu, ikounu ngolo ne kop di lubere kede Iswil wu.” Iyudayan oko waco ne be, “Iswil likame yei ne wan neko ngatamoro.”

Yokana 18:38

Pilato oko penye be, “Ateni en nyo?” Di do Pilato bobo oko donyo ooko but Iyudayan, eko waco ne gi be, “Likame ango audo raco moro kame en etimo.

Yokana 19:15

Do gin kiko lelemo be, “Rweny kede, rweny kede, gure i kom musalaba!” Pilato oko penyo gi be, “Agur abaka wu i kom musalaba?” Jodongo me josaseredoti oko dwoko be, “Wan oli kede abaka, kwanyo kenekene Kaisari.”

Yokana 19:4

Pilato bobo oko dok ooko, di eko waco ne gi be, “Nenunu, ango atie kele ooko butu, wek ingeunu be ango likame audo raco moro i kome.”

Tice 2:23

Yesu noni, ngat kame bin komio i akarunikin wu di lubere kede ngec ka Rubanga kede iik mere, bin wun ikounu mine i cing jodubo kame oko gure i kom musalaba di kiko neke.

Tice 7:52

Enabi mene kame bin joakwari wu likame otidilo? Gin kineko jo kame bin ogeo tuco sek bino me Ngat Kopoore, kame wun irupaunu di ikounu neko.