Yokana 19:42 - Baibuli I Leb Kumam 2013

⁴² Kite kame ceng no oudo obedo kede ceng kame Iyudayan iikere kede, doko da pien ates oudo tie kakame iyapiyapi, gin kiko yiko Yesu kuno.

Yokana 19:42 Iomraidhean Croise

Sabuli 22:15

Dwana otuo bala yat kotuo; leba omoko i dana. Ipiela i apua i kabedo me jo oto.

Isaya 53:9

Koribe i yi ates karacel kede jo kotimo gikareco, koyike karacel kede jo kobaro, bed bala en oudo likame ebedo kede tim moro me gero, arabo waco kop moro me angalo.”

Matayo 12:40

Pien bala kite kame bin Yona otieko kede ceng adek kede iwor adek i yi eputa, kamanono da Wot ka dano bino bedo piny i yi lobo pi ceng adek kede iwor adek.

Yokana 19:14

Ceng nono oudo obedo ceng me iikere me camo Ebaga me Kalamo; esawa oudo romo bala kanyape me iceng. En eko waco ne Iyudayan be, “Nenunu abaka wu ine!”

Yokana 19:20

Iyudayan atot oko somo kop noni, pien kakame koguro iye Yesu oudo tie i nget bomba; doko oudo kowandiko kop noni i leb Eburania, Latin kede Gurik.

Yokana 19:31

Kite kame ceng no oudo obedo kede ceng me iikere, Iyudayan oko kwano Pilato be tuturo tien jo kame oudo koguro nogo, di oko tero gi tenge pi gengo kom gi kur dong i kom musalaba i Ceng Sabato, pien Ceng Sabato nono oudo obedo ceng adwong.

Yokana 19:41

Poto oudo tie kakame koguro iye Yesu; ates anyen kame likame pwodi oudo koyiko iye ngatamoro oudo tie i poto nono.

Tice 13:29

Kakame gin kitieko kede timo gi dedede kame cobo kop kame kowandiko i kome, gin kiko do kwanye tenge kikom yat, di kiko ot yike i ates.

1 Jokorinti 15:4

di oko yike, di oko yaruno en i ceng me adek di lubere kede iwandik kacil;

Jokolosai 2:12

Pien di bin kobatiso wu, koyiko wu karacel kede Kirisito, di oko yaruno wu karacel kede en pi bedo kede yei i kom twer ka Rubanga, en ngat kame bin oyaruno en ki kom jo oto.