Yokana 19:4 - Baibuli I Leb Kumam 2013

⁴ Pilato bobo oko dok ooko, di eko waco ne gi be, “Nenunu, ango atie kele ooko butu, wek ingeunu be ango likame audo raco moro i kome.”

Yokana 19:4 Iomraidhean Croise

Matayo 27:19

Kakame Pilato oudo tie bedo kede i kom me ngolo kop, dako mere oko cwano ne kop be, “Kur itim gimoro i kom dano no, en eli kede kop moro, pien oki iwor ango oudo abedo i peko adikinicel pi lek kame abedo tie kede i kome.”

Matayo 27:24

Kakame Pilato oneno kede be likame ekaruno bobo timo gimoro, doko jo tie mito cako doko ger, en eko kwanyo pii di eko lwoko kede cinge i nyim ekodet me jo di ewaco be, “Ango gira ali kede raco moro i kom onyo remo me dano ni! Kop no mako wun.”

Matayo 27:4

di ewaco be, “Ango adubo pi rupao dano kame li kede kop, pi mine onyo remo mere.” Gin kiko dwoko be, “Mano likame mako wan; mano makin.”

Matayo 27:54

Bin di ngadwong me isirikalen kede jo apat kame oudo tie karacel kede en pi daro Yesu oneno yangere me piny kede gikame otimere, lworo oko mako gi di kiko waco be, “Ateteni dano ni oudo Wot ka Rubanga.”

Luka 23:4

Di do Pilato oko waco ne jodongo me josaseredoti karacel kede ekodet be, “Ango likame audo raco moro i kom icuo ni.”

Luka 23:41

Do ateteni kongolo ne wan kop kakare, pien wan otie udo adwokini me tice wa, do likame tie gimoro arac kame dano ni otimo.”

Luka 23:47

Kakame bin ngadwong me isirikalen oneno kede gikame otimere, en eko pako Rubanga di ewaco be, “Ateteni dano ni kom oudo li kede raco moro!”

Yokana 18:33

Pilato oko bobo donyo i ot me ngapug, di eko lwongo Yesu, eko penye be, “In en abaka me Iyudayan?”

Yokana 18:38

Pilato oko penye be, “Ateni en nyo?” Di do Pilato bobo oko donyo ooko but Iyudayan, eko waco ne gi be, “Likame ango audo raco moro kame en etimo.

Yokana 19:6

Kakame jodongo me josaseredoti kede isirikalen onene kede, gin kiko lelemo be, “Gure i kom musalaba, gure i kom musalaba!” Pilato oko waco ne gi be, “Terenu igurenu wun kikomu, pien ango gira likame audo raco moro i kome.”

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Iburanian 7:26

Pien oudo etie gikame poore, pi wan bedo kede Ngatel Josaseredoti kacal kamanoni, en ebedo ngat kacil, kame li kede raco moro arabo dub moro, kame kopoko tenge kibut jodubo di oko tinge kotere malo.

1 Petero 1:19

do kotime kede remo ka Kirisito, remo kame wel mere dwong, kame cal bala me katin romo kalikame tie kede gimoro arac arabo pwokere moro i kome.

1 Petero 2:22

En bin likame etimo dub moro; kop moro me abe da likame owok ki doge.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 3:5

Wun ingeunu be bin en eneeno pi kwanyo dub, do en eli kede dub moro i kome.