Yokana 19:29 - Baibuli I Leb Kumam 2013

²⁹ Jagi oudo tie kuno kame oudo bwini awac tie iye pong. Gin kiko keto ecango kame korwako i bwini awac i wi tir, di kiko cwano ne i doge.

Yokana 19:29 Iomraidhean Croise

1 Abakai 4:33

En ewaco kop i kom yen, cako ki yen seda kame tie Lebanon tuno i emompir kame dongo i wi apama. En ewaco kop i kom leini kede winy, leini kame liao alia kede aporogon dedede me nam.

Sabuli 51:7

Lonya ki dub na di ako doko cil, lwoka di ako bedo tar kalamo akako.

Yai 12:22

Jakunu emompir, di ikounu rwake i remo kame tie i awalo, di ikounu kikiro remo nono i kom ipirin me ikekon kede i wi ikekon malo. Likame ngatamoro poore wok ooko tuno piny ru.

Wel 19:18

Di do dano kalikame opwokere ko bino kwanyo emompir di eko rwako i pii nono, di eko kikiro en i kom eema, i kom jamini me i yi eema, i kom jo kame oudo tie i yie, kede i kom ngat kame oudo omulo cogo me dano, kom ngat kame koneko, kom ngat oto tuwo arabo ates.

Matayo 27:34

gin kiko mino Yesu bwini kame konyalo kede gi akec; do kakame ebilo kede, likame en eko mato.

Matayo 27:48

Ngat acel kikom gi oko ringo ot kwanyo ecango, en eko keto iye bwini awac, di eko rwako i wi magada eko mino Yesu be ejwijwio.

Matayo 27:50

Yesu bobo oko kok kede dwan amalo di do eko omo cunye di eko to.

Marako 15:36

Dano acel kikom gi oko ringo di eko rwako ecango i bwini awac, eko rwako i wi tir di eko keto i dog Yesu be ejwijwio. En etimo kaman di ewaco be, “Odarunu ber, omito neno ka Elia oyaro bino kwanye tenge ki kom musalaba.”

Luka 23:36

Isirikalen da oko donyo nyere kede acae; oudo kibino bute di kimie bwini awac,